Home » Tony Geerman, contratista di mantencion di bario di Serlimar ta reaciona tocante e bentamento di sushi den mondi

Tony Geerman, contratista di mantencion di bario di Serlimar ta reaciona tocante e bentamento di sushi den mondi

by Admin
0 comment 73 views

Santa Lucia-
Tony Geerman, un di e contratistanan di mantencion di bario di Serlimar ademas presidente di e sindicatonan cu ta representa trahadornan di Serlimar, DOW y santa Rosa dunando su bista riba e dumpnan ilegal den mondi.

Segun Tony Geerman nan ta cansa di trata na concientisa e pueblo di Aruba. Geerman ta manda un advertencia loud and clear pa e pueblo di Aruba y e kier conta cu cooperacion di cada un persona cu ta biba na Aruba, pa nan stop cu e cuenta di benta di sushi den mondi. Esun cu wordo gara mester wanta e consecuencianan pa e acto iresponsabel aki pa cu medio ambiente.

Tambe e la sigui splica cu ki bal awe nan ta haci e tereno aki limpi y mayan nan lo bolbe tira sushi bek. Hopi placa ta wordo hinca pa haci e terenonan aki limpi. Segun su persona nan ta papiando y tratando na concientisa e pueblo, pero e no ta dunando e resultado cu nan ta desea, segun Tony e unico manera cu nan lo por siña ta si nan sinti’e den nan saco pues un boet bon halto.

E la sigui bisa cu plannan y ideanan ta hinca den lachi, na Parlamento tin mocionnan entrega, pero nada ta wordo regla. Serlimar kier pa pone camara, mocion detector etc.

Por ultimo e ta pidi e personanan cu ta biba den e barionan mester cuminsa pone mas atencion, riba autonan cu ta para den mondi den nan bario, tira bista si ta sushi nan ta bin tira, pa asina mesora por bati alarma of hala nan atencion.

E la finalisa bisando cu Aruba ta un isla cu ta biba di turismo y nos mester mantene nos isla limpi pa nos bishitantenan y tambe pa nos futuro generacion.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio