Home Dutch Kingdom Na Hulanda, mas di 3300 arma entrega durante e accion ‘Drop je...

Na Hulanda, mas di 3300 arma entrega durante e accion ‘Drop je knife, doe wat met je life’

SHARE

Amsterdam, Hulanda

E cantidad di incidentenan criminal den cual arma blanco ta wordo usa pa hobennan a aumenta drasticamente, den e prome 6 lunanan di 2021, polis a registra 155 caso di hincamente di cual e sospechosonan ta hobennan bou di 18 aña.

Esaki a pone cu cuerpo policial hulandes a tuma e desicion pa cuminsa cu un accion nacional siman pasa, den cual ta duna tur hende especialmente e hobennan e oportunidad pa entrega armanan blanco, sin wordo castiga pa esaki.

E tabata un accion hopi exitoso, mas di 3300 arma a keda entrega, entre otro arma blanco y tambe armanan di candela tur a wordo entrega na polis. Entre e armanan blanco tabata tin, machete, butterfly knife, armanan blanco traha, un taser den forma di un celular etc, nan por a wordo deposita den e barinan geel destina pa esakinan, na tur warda di polis na Hulanda tabata tin un bari geel.

E accion tabata dirgi principalmente riba e hobennan, pa baha e cantidad di arma cu tin riba caya. E ministerio di Husticia Hulandes a informa cu e accion aki tabata uno hopi exitoso, nan a logra kita 2021 cuchiu y 220 otro tipo di armanan blanco. E aña aki nan a entrega casi dos biaha mas hopi arma compara cu aña pasa cu a keda confisca.

Tambe un cantidad di casi 500 arma di candela y 600 otro tipo di arma, entre otro municion, armanan fake, klopnan, ploeterdoder, tasernan etc. a wordo entrega. E cantidad di armanan entrega lo por sigui subi, pa motibo cu ainda tin algun warda di polis cu ta contando e cantidad di armanan cu a wordo entrega cercanan.

Den e regio di Den Haag, mas di 500 arma a wordo entrega na polis. E accion di entrega arma ta parti di un campaña di Ministerio di Siguridad y Husticia: ‘Drop je knife, doe wat met je life’ tabata un accion nacional di polis den cual un siman largo tur hende por a entrega nan armanan sin wordo castiga pa esaki.

E cantidad di hobennan di 12 pa 17 aña, sospechoso di crimennan serio y fatal, den e ultimo añanan a  aumenta drasticamente. E campaña ta dirigi tambe, pa haci e hobennan mas conciente cu e no ta normal y ta peligroso pa subi caya cu un arma.

bron: NOS