Santa Lucia:
Diahuebs mainta Bob Ras di Serlimar a splica cu nan tin 8 anja ta deal cu e tipo di situacionnan aki, e dumpnan ilegal practicamente ta full rond di Aruba. E dump ilegal aki cada biaha ta cambia di lugar, awo nan ta recoge e sushedad na santa Lucia, cera e tereno cu baranca, e lugar aki ta wordo protegi pa un tempo, pero nan ta bolbe haya un otro adres atrobe cu e mesun situacion aki, di un dump ilegal cu ta bolbe aparece y asina nan ta keda bay, bay haci’e limpi y despues atrobe un otro adres di un dump ilegal.
Segun Ras, Aruba falta di mas concientizacion y si esaki no ta yuda mester bin cu boet. Ras ta di opinion cu esaki ta e forma mas efectivo, especialmente ora un hende sinti’e den su cartera. E terenonan cu tin dump ilegal si e tin un donjo lo mester boet e donjo, un persona mester para responsabel. Si un persona tin sutereno ta bashi y limpi, e no lo permiti pa otro bin benta sushi riba dje.
Manera cu Serlimar caba di haci e tereno limpi, nan lo avisa City Inspector, cu lo manda pidi DOW pa cera e entrada cu baranca pa asina evita cu den futuro nan por sigui tira sushi riba e tereno aki.
