Home » Update: E entradanan Hudicial posibelmente relaciona cu traficacion di droga pa Merca

Update: E entradanan Hudicial posibelmente relaciona cu traficacion di droga pa Merca

by Admin
0 comment 74 views

SANTA CRUZ-
Aki lo ta trata probablemente di un investigacion riba un organizacion criminal di traficacion di droga basta grandi pa Merca.

Diabierna ultimo, autoridad a detene un dama cu kier a bay pasa droga pa Miami, e dama lo a trata na pasa e droga den su curpa abou y lo a guli bolita tambe.

Despues diamars den oranan di atardi polis a detene un homber, na momento cu e lo a yega di viaha. Aparentemente e persona aki tambe lo tin di haber cu e caso aki.

Un caso lo a link cu e otro y asina
diaranson autoridad a haci un entrada oficial extenso na dos cas, un na Santa Cruz y un na Papilon.

Tambe autoridad a confisca varios articulo di importancia pa e investigacion na e tres casnan aki.

E team di recherche y Ministerio Publico a wordo reinforsa pa Douane recherche. For di oranan di merdia autoridad a haci e entradanan hudicial y autoridad a keda te den oranan laat di atardi,buscando na e dos casnan na Papilon y Santa Cruz.

No ta descarta e posibilidad cu lo por a drenta of lo bay drenta mas cas. Tambe no ta descarta e posibilidad cu mas detencion lo por cay, den e dianan nos dilanti.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio