Home Police Jeep Cherokee cu varios persona den dje a accidenta ariba Avenida Nelson...

Jeep Cherokee cu varios persona den dje a accidenta ariba Avenida Nelson O.Oduber

SHARE

Avenida Nelson O.Oduber – Diadomingo den oranan ta merdia pa atardi informacion a drenta di un accidente serio cerca di un oficina di seguro situa ariba Avenida Nelson O.Oduber. Prome informacion a papia cu un auto lo a bolter.

Na yegada di polis pabou di caminda nan ta topa cu un Jeep Cherokee shinishi hinca den mondi, y tambe un palo di luz cu a sufri daño.

Tambe por a mira waya di coriente colgando. Ariba caminda por a mira lastro di brake, un posibel indicacion cu velocidad halto lo por a hunga un rol.

Den e vehiculo e personanan tawata ok, entre nan un mucha cu lo a resulta levemente herida. 

Ambulance, Forensys y Elmar a presenta na e sitio.

Polis di trafico a presenta y asina cuminsa haci su investigacion.  Segun nos tin entendi e vehiculo su papelnan lo no ta na ordo y probablemente e criatura lo no tin aseguro medico general(AZV).