Home Police Vice Presidente di Contraloria General di Aruba ( ARA), deteni na Burger...

Vice Presidente di Contraloria General di Aruba ( ARA), deteni na Burger King pa buracheria

SHARE

Kamerlingh Onnestraat,Oranjestad

Diabierna algo prome cu 11’or di anochi, presencia di polis a wordo pidi cu urgencia, pa un homber burachi cu ta haciendo super fastioso na Burger King. E homber aparentemente no kier a paga tampoco.

Na yegada polis enberdad a bin topa cu un homber basta burachi y hopi lihe a bin ripara cu ta trata di un persona hopi conoci den comunidad y kende tin un puesto halto na un organo hopi importante di nos pais.

E persona bou influencia y cu tabata haciendo fastioso na Burger King tabata Sr. Frederich Nuboer, kende ta Vice Presidente di Contraloria General di Aruba y actualmente Contraloria General no tin un presidente y Sr.Nuboer ta actuando como Presidente.

Polis a papia cu ne, pero mirando den ki situacion e tabata, no a keda polis nada otro di detene. Na e momento di su detencion no tabata tin un transportwagen di polis disponibel y mesora e agentenan a opta pa transporte den un patruya pa warda di polis, caminda e lo haya un camber gratis pa pasa su anochi.

E actitud aki di Sr. Nuboer a laga hopi di desea y a atacha e posicion importante di presidente di Contraloria General di Aruba. Un persona cu un puesto asina importante por a yega na e nivel aki.

No ta conoci ainda ki paso lo por wordo tuma encontra di su persona, mirando cu actualmente e ta ocupando e puesto di mas halto na un institucion hopi importante di pais Aruba.