Home » Chauffeur hoben bou influencia a keda deteni despues di a ocasiona un accidente

Chauffeur hoben bou influencia a keda deteni despues di a ocasiona un accidente

by Admin
0 comment 60 views

Bubali: Diabierna algo prome cu 8’or di anochi, despues di un asistencia na Washington un patruya di Noord ta topa cu un accidente riba e caminda di Bubali. Mesora nan a bay atende cu e accidente aki.

Na e sitio nan a bin compronde cu un chauffeur hoben manehando un Kia Rio a ocasiona e accidente den cual un SUV a ricibi basta daño material.

E Kia Rio a perde control y a bay dal contra un palo di lus y e transformator na e palo di lus a cay.

Polis na e sitio a nota cu e chauffeur di e Kia Rio tabata bou influencia y tambe e tabata tin un corta of rasca na su brasa. E chauffeur tabata desea atencion medico. E agentenan policial a pidi pa presencia di ambulance. Un di e autonan su papelnan no tabata na ordo y a pidi pa presencia di polis di trafico na e sitio.

Elmar tambe a wordo pidi na e sitio, pa motibo cu den e impacto fuerte e transformator a cay for di e palo di lus.

Na yegada personal di ambulance a trata e chauffeur na e sitio y despues e la wordo deteni pa core auto bou influencia y causando un accidente.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio