Amsterdam, Hulanda:
Polis a detene un persona cu posibelmente lo a of tabata planeado un atentado contra bida di Prome Minister demisionario Hulandes Mark Rutte. Segun Volkskrant Yavuz O. tabata manda mensahenan instigativo riba un grupo publico di Telegram. Segun e acusacion contra su persona, Yavuz a skirbi na december 2020, “cu mayoria di e hulandes toch tin rabia riba Rutte” e la sigui ” bo lo tin den bo, pa tira tur mata? gewoon for di den auto, habri bentana, saca e gun pafo di auto y tira bay”
E sospechoso probablemente lo tabata buscando un shooter of un hitman. E mensahenan aki a wordo poni den e Telegram Canal ‘De Bataafse Republiek’. Na comienso di e siman aki e grupo a wordo poni offline, esaki riba peticion di Ministerio Publico pa motibo di e mensahenan instigativo y menasante.
Den careda di otro siman e caso aki lo bin pro-forma den Corte di Husticia na Den Haag.
Fin di luna pasa, a sali na cla cu e Premier demisionario Mark Rutte, tabata wordo cuida cu maximo seguridad relaciona cu un posibel atentado riba su bida of secuestro. Ainda no ta conoci Si acaso esaki ta gelink cu e detencion.
E investigacion relaciona cu e menasanan y e posibel atentado contra bida di Rutte ta den full swing.