Home Local πƒπ„π‚π‹π€π‘π€π’πˆπŽπ πƒπˆ 𝐃𝐄𝐅𝐄𝐍𝐒𝐀 𝐇𝐔𝐋𝐀𝐍𝐃𝐄𝐒

πƒπ„π‚π‹π€π‘π€π’πˆπŽπ πƒπˆ 𝐃𝐄𝐅𝐄𝐍𝐒𝐀 𝐇𝐔𝐋𝐀𝐍𝐃𝐄𝐒

SHARE

Weekend pasa militarnan Hulandes tabata comprometi den iregularidad nan den area di divertision aki na Aruba. Defensa Hulandes ta lamente profundamente e comportasion di esnan conserni i ta desaproba esaki totalmente. E comportasion encuestion ta totalmente lo contrario di profesionalidad, integridad i un bon ehempel cu ta wordo spera di un militar den su function.

Defensa Hulandes tin militarnan permanente presente ariba e isla di Aruba, ubica na e base militar, Marinierskazerne Savaneta. Banda di esaki, tambe tin unidad nan for di Hulanda cu regularmente ta bishita e area den Caribe pa entrenamento i ehercicio. Defensa Hulandes ta para pa e bon comportasion di su trahadonan i ta pone enfasis ariba e function ehemplar den communidad, cu cada un di su trahadonan ta eherce.

Kico a pasa?

Diasabra anochi, den area di divertision, un grupo di militar a presenta i comporta nan mes di tal manera cu ta wordo desaproba. Posiblemente asta hecho nan cu ta castigabel. Esnan di Marechaussee a start un investigasion pa posibel acto nan castigabel i abase di e resultado lo of lo no detene mas personanan. Te na e momentonan aki tin un (1) persona deteni ariba sospecho di hecho nan castigabel.

Defensa Hulandes ta den espera di e resultado di e investigacion andando di parti Marechaussee, i abase di esaki lo tuma mas medida pa cu e caso aki.