Home International Video: Detencion violento di un homber paralitico a causa hopi conmocion na...

Video: Detencion violento di un homber paralitico a causa hopi conmocion na Merca

SHARE

Dayton, OHIO
Imagennan capta durante cu polis a haci un detencion violento di un homber color scur paralitico a causa hopi conmocion na Merca, E homber paralitico a wordo ranca na su cabey, saca y lastra for di su auto.

E incidente aki a tuma lugar den e cuidad Mericano Dayton, na Ohio. Riba e video por a mira con e homber color scur a wordo ranca y lastra for di su auto door di un agente policial. E homber na varios ocasion a bisa e agente policial cu e ta paralitico, cu e no por baha su so for di auto. E agente policial no a kere y no a worry cu locual e homber tabata bisando tampoco y a ranke violentamente for di den su auto.

Despues cu e video di e detencion violento a sali den publicidad, esaki a causa un conmocion grandi, mirando con e agente a atende cu un persona cu limitacion fisico. E gobernador di e estado a yama e imagennan aki hopi preocupante. Tambe diferente organisacionnan di drechonan humano a expresa nan asco pa locual a sosode. E detencion violento aki a tuma lugar fin di september ultimo.

Den e video por a mira e homber Clifford Owensby (39) ta wordo pidi pa e agente policial pa baha for di auto y Owensby na su turno ta bisa e agente cu e no por baha su so for di auto pa motibo cu e ta paralitico. Aki ta sosode un intercambio di palabra den cual e homber ta bisa e agente cu e no kier pa e mishi cu ne. Na final e situacion ta bay for di man y e agente policial ta ranca Owensby na un forma hopi violento for di den su auto, ta bente riba vloer y ta pone den boei.

Courtesy:NBC News

E detencion tabata relaciona cu un accion di polis, segun e polis nan a mira e homber aki sali for di un cas caminda ta bende droga. Despues cu e homber a keda deteni a haci control den su auto y no a haya droga, solamente poco placa cash.
E homber a entrega keho contra e polis pa e trato ‘inhumano cu e la ricibi di e agente policial.