Home » Parlamentario drs. Shailiny Tromp-Lee (MEP) a pasa un rato ameno na Ambiente Nobo

Parlamentario drs. Shailiny Tromp-Lee (MEP) a pasa un rato ameno na Ambiente Nobo

by Admin
0 comment 53 views

Diabierna mainta Parlamentario Shailiny Tromp-Lee a pasa un rato ameno hunto cu cliente y personal di Stichting Ambiente Nobo. Tabata clausura di un siman di plan vacacional. Un siman yena di actividad caminda e clientenan, manera nan mes ta bisa, a gosa masha hopi mes.

 

Diabierna henter dia nan tabata den celebracion y sigur pa Tromp-Lee tabata un placer pa por a desayuna y comparti cu henter e grupo.

E celebracion henter dia tabata entre otro posibel danki na e tremendo desayuno y lunch cu a keda ofreci pa Divi Aruba danki na intermediacion di Sticthing Nos Dushi Tera. Na cabes di Stichting Nos Dushi Tera ta srs. Rochi Geerman y Jonathan Viera.

 

E cara di alegria riba e cara di e clientenen ta bisa tur cos. Nan tabata contento y feliz. Durante e actividad Tromp-Lee a hiba palabra y sigur a gradici y felicita staf y personal di Stichting Ambiente Nobo pa nan bunita trabou, realisa di curason. Un trabou importante y necesario pa por duna nan grupo meta y nan famia un bon calidad di bida.

 

Tromp-Lee a finalisa bisando cu e ta contento cu Stichting Ambiente Feliz a invite y cu e tambe por a forma parti di nan celebracion.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio