Home Police Chauffeur a bira malo tras di stuur y ocasiona un accident

Chauffeur a bira malo tras di stuur y ocasiona un accident

SHARE

Ser’i Teishi: Dialuna den careda di 7’or y mey di mainta, presencia di polis y ambulance a wordo pidi riba Green Corridor/ Ser’i Teishi, pa un chauffeur cu lo a bira malo tras di stuur y esaki a pone cu e chauffeur a bay dal contra un van.

Na yegada polis a bin compronde cu e chauffeur di e Hyundai Santa Fe Shinishi tabata bayendo direccion pabou riba e baan banda robes di caminda y na dado momento e la cuminsa hala bay riba e baan banda drechi net na momento cu un van tabata bayendo direccion pabou riba e baan banda drechi.

E Santa Fe a hala un poco di mas na su man drechi, e la dal contra e van y despues a bay dal contra e vangrails, caminda e la keda pega.

E chauffeur di e Van a baha pa mira e daño ocasiona na su van y a nota cu e chauffeur di e Santa Fe ta mustra malo. Mesora e la bati alarma.

Ambulance a presenta y despues di a trata e chauffeur na e sitio a transporte pa hospital.