Home Lifestyle Cinco stap pa yuda abo supera infidelidad

Cinco stap pa yuda abo supera infidelidad

SHARE

Infidelidad ta un situacion dificil pa supera y pordona entre un pareha. E ta un acto hopi serio, debi cu e persona ey cu bo ta confia a viola e acuerdo sagrado cu boso tin cu otro.

Si bo ta pasando den un situacion unda bo pareha a bira infiel, ta masha normal pabo ta sinti frustra, y no ta facil pabo sali padilanti bek.

Den e mundo moderno y di tecnologia asina avanza ta bira asina facil pabo conoce otro persona, y esey logicamente por aumenta e posibilidad cu un acto di infidelidad por pasa entre un pareha.
E por ta cu un persona ta crea feelings pa un otro persona cu no ta su pareha via diferente App.
E por ta Social Media, pero en general tur cos cu tin te maken cu Internet, voorbeld emails y online chats.
Tin persona lo bisa cu esaki no ta un acto di infidelidad, usando e pretexto cu no tin asercamento fisico.

Locual hopi hende no ta realisa ta cu e mundo digital tambe ta hopi real, y cu comportacion di hende tambe ta real.
E secreto entre pareha, manera messagenan cu contenido sexual (sea den texto, pics of videonan) cu otro persona, flirting, online dating ta wordo considera como actonan infiel.

Tur e gañamento y scondemento ta implica un acto di traicion di e confiansa mutuo, momento cu bo ta establece un union romantico. Esaki ta wordo considera infidelidad.

CINCO STAP CON PA ABO SUPERA INFIDELIDAD

Acepta locual a pasa

E pio cos cu bo por haci ora bo pareha a ser bo infiel, ta pretende di evita e situacion, door di nenga e dolor y haci manera nada un pasa. Pesey ta importante acepta loke a pasa, aunke con duro e ta, y tambe tur e dolor y emocionnan cu e ta trece cu ne.

EXPRESA BO FEELING NAN

Te necesario bo uit bo mes totalmente y no wanta nada paden. Papia di loke bo ta sinti, si bo mester yora dal bay haci’e, si bo mester grita mesun un cos haci’e. Scirbi locual bo ta sinti, no worry con bo haci’e.
Importante ta pabo haci’e !

TUMA BO TEMPO

Tuma bo tempo, ta e cos mas miho pabo haci prome bo tuma cualkier desicion, di sea bo ta keda of bo ta termina e relacion.
Bo lo puntra, pakiko tuma tempo si e la “pone cacho”( criyoyamente bisa) pami. E ta mas pabo reflexiona di locual a sosode pabo por desahoga bo mes. Di e manera ey bo ta biba bo propio proceso di acepta locual a pasa y finalmente cu tur claridad tuma un desicion di loke abo ta kere ta miho pabo.

TUMA UN DESICION

Despues di a tuma bo tempo, mas cu claro e perspectiva cu tawata tin relaciona cu infidelidad a haya un cambio. Pues a bira ora pabo enfrenta e situacion y no avoid e.
Cualkier desicion cu bo a tuma, gewoon bisa bo pareha.

Siña pordona, e ta zona duro mi sa

Finalmente, sea ba dicidi di sigui of cab e relacion, ta importante pa siña pordona e persona(bo pareha). Pakiko?, paso e pordon ey lo bay alivia bo mesun ser.

Therapie di pareha pa supera infidelidad, hopi importante

Den e caso cu bo a sinti cu bo no kier perde bo matrimonio y bo a pordona pero toch bo ta sinti cu bo so no por, ta recomendabel pa boso dos bay e therapie hunto cerca un profesional (Love Coach)

E sesionnan di terapia por bay individual of cu bo pareha.
Obhetivo di e therapie ta pa manage e emocionnan provoca door di e infidelidad y tackle raiz di otro problemanan posiblemente ya existente y poco poco soluciona esakinan.