Home Corte Rudy Carti (64) sentencia cu un aña di castigo di prison y...

Rudy Carti (64) sentencia cu un aña di castigo di prison y tambe 4 aña no por traha como psychioterapista

SHARE
RUDY CARTI
Rudy Carti

Rudy Carti  a wordo acusa di mishimento y violacion di 8 dama. Fiscal a exigi pa mishimento y violacion di 8 dama, 5 aña di prison y prohibicion di 8 aña pa traha como masahista.

Rudy Carti (64) a wordo sentencia cu un aña di castigo di prison y un aña incondicional cu dos aña di prueba, tambe pa 4 aña e no por traha como psychioterapista.

Oranjestad: Diabierna mainta Rudy Carti mester a presenta den corte pa ricibi su sentencia despues cu su caso a wordo trata den corte, diabierna 17 di september 2021.

Caso dama di inicial W.
Hues a cuminsa cu e sentencia bisando cu e no ta haya Rudy culpabel den e caso di dama W. Hues tin hopi duda den e caso aki y no tin prueba suficiente pa sostene e acusacion.

Caso di dama di inicial H.
Den e caso di e dama H., Rudy Carti a wordo declara liber. Nan no por a saca afo kiko a sosode. Muy bien por ta cu e mishimento ta relaciona cu e tipo di masashi.

Caso di e damanan J. y G.
Caso di e dama J. tambe Rudy a wordo declara liber, esaki tambe tabata pa falta di prueba.
Den e caso di e dama G. no por exclui cu e masashi a sosode manera Carti a declara y cu no tabata tin inmoralidad.

Den e caso di e otro cuater damanan,F, R., J. y F.
Hues a haya cu ta proba cu Rudy Carti a hinca dede na e parti intimo di e dama F., R., J Y F. Hues a haya e declaracionnan di e damanan aki confiabel. Den e caso aki por usa “schakelbewijs” e mesun forma di masashi.
E masashi cu Carti a duna e damanan aki, no tabata tin mester di a mishi cu nan parti intimo. E mishimento y penetracion ta wordo considera violacion.
Hues a haya cu Carti a viola F. y R. y a mishi cu J. y F. Segun Hues, Rudy Carti a viola e confianza cu e personanan aki tabata den su persona como masahista.

Sentencia di Hues
Hues a dicta sentencia, teniendo na cuenta cu ta trata di un first offender, Rudy Carti a wordo sentencia cu 1 aña di castigo di prison y un aña incondicional cu dos aña di prueba, tambe 4 aña cu no por traha como psychioterapista.

E dama di inicial R a demanda algo mas cu 2 mil florin pa daño material y inmaterial di 5 mil florin. F. a pidi 5 mil florin. Hues a pone medida di pago.