Home » Minister di Finansa Xiomara Maduro ta informa: Carta manda pa departamentonan referente maneho di administracion publico na fin di aña ta un practica normal den tur gobernacion

Minister di Finansa Xiomara Maduro ta informa: Carta manda pa departamentonan referente maneho di administracion publico na fin di aña ta un practica normal den tur gobernacion

by Admin
0 comment 34 views

ORANJESTAD –Tin un un carta di Minister di Finansa dirigi na tur departamento di Gobierno ta circula rond den publico. Pa evita mal comprondemento, ta bon pa brinda e siguiente informacion, Minister di Finansa y Cultura Xiomara Maduro ta trece dilanti cu tur aña medio oktober, Minister di Finansa ta manda un carta pa avisa e departamentonan cu ta bay sera e administracion pa e aña coriente y pa esaki ta duna un fecha te cual por haci obligacion financiero nobo pa Pais Aruba. Banda di esaki sa pidi e departamentonan tambe pa indica cual ta e inversionnan cu ainda lo wordo haci den e aña corespondiente pa asina e suma aki keda reserva. Esaki ta un practica normal den tur gobernacion y ta wordo haci pa evita cu ta surpasa e sumanan acorda pa Parlamento di Aruba den Presupuesto di Pais Aruba. Minister Maduro ta acentua cu desde aña 2018 Gobierno a keda den e margen di gastonan presupuesta y aproba pa Parlamento di Aruba y no mester a bay fin di aña pa pidi mas placa na Parlamento. Minister di Finansa Xiomara Maduro su maneho desde un principio ta uno sostenibel, efectivo y transparente na publico en general. Cu e informacion aki e mandatario encarga cu finansa publico ta sigui duna contenido na su maneho financiero y ta spera di a aclarea e situacion y evita cualkier mal comprendemento. 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio