E serial killer cu tabata wordo busca su bijnaam tabata “grêlé” (hagel)
PARIS, FRANCIA:
Un ex agente policial cu recientemente a comete suicidio, den su carta di despedida e la admiti di tabata un serial killer y awor oficialmente lo por cera e crimennan aki poniendo bou su nomber.
E homber di 59 aña siman pasa diaranson a pone fin na su bida y a admiti di ta responsabel pa un serie di asesinato y rapemento, esakinan a tuma lugar den añanan 80 y 90.
Aki ta trata di un di e cold casesnan policial mas grandi di Paris. E sospechoso tabata wordo busca pa mas di 35 aña caba. Recientemente segun un investigacion di ADN, e ex agente policial (59) a papia e berdad, cu e tabata envolvi den varios delitonan serio.
Na momento cu e agente policial a bin ripara cu Cuerpo Policial tin’e na bista, e la comete suicidio. E investigacion tabata algun tempo andando y tabata tin miras riba agentenan policial cu tabata e tempo ey activo den e capital di Francia y becindario. Ex agente a wordo yama pa un interogacion, pero no a show up.
Su prome victima tabata na Paris, un mucha muher di apenas 11 aña, cu e la rape y despues a mat’e. Na 1987 e la mata un pareha y na 1994 e la mata un mucha homber di 19 aña. Cuerpo policial di Paris, hopi lihe tabata tin un fuerte sospecho cu tur e casonan aki tabata trata di e mesun asesino.
Awo recherchenan ta bay sigui cu e investigacionnan y pa asina mira si e ex agente policial aki por tabata envolvi den mas caso. Actualmente polis na Paris a confirma cu e ex agente policial aki ta responsabel pa 4 asesinato y 6 caso di rape, no ta descarta cu lo por tin mas caso.
