Home » Accidente pa falta di preferencia den centro di Playa

Accidente pa falta di preferencia den centro di Playa

by Admin
0 comment 81 views

Oudeschoolstraat/Middenweg – Dialuna anochi den careda di 9’or polis a bay ariba e crusada di Oudeschoolstraat cu Middenweg o sea patra di ex Bon Bini Bazaar, pa un accidente di trafico.

Por a mira cu polisnan mester a desvia trafico, debi cu un di e vehiculonan a keda memey caminda.

Na prome instante a papia cu un di e chauffeurnan lo por ta herida, debi na e impacto duro.

Ta trata di un Nissan March y un stationwagon. 

Na e sitio nos a compronde cu e stationwagon biniendo for di Middenweg no a duna preferencia na e Nissan March bayendo nort ariba Oudeschoolstraat. 

Pues por bisa cu e stationwagon a subi e crusada y ta dal e Nissan March cu a sigui core algun meter y stop.

Eynan e dama na stuur hopi spanta e keda keto sinta den e auto pa algun rato, door di e susto.

Daña material ta considerabel y takelwagen mester a wordo solicita pa move e autonan for di caminda. 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio