Home » Alvin Molina, parlamentario di partido MEP Ban corda riba e meta comun: e bienestar di nos pais!

Alvin Molina, parlamentario di partido MEP Ban corda riba e meta comun: e bienestar di nos pais!

by Admin
0 comment 42 views

 

 

ORANJESTAD: Diahuebs mainta a tuma luga e prome ‘Openbare Bijeenkomst’ di Parlamento di Aruba. Aunke cu e punto di agenda tabata e proceso di formacion, reparticion di cartera y screening pa Gabinete Wever-Croes II loke mas a resalta, den mi opinion ta e manera con nos ta hiba politica na Aruba. 

 

Como parlamentario nos mester ta critico pa cu nos mes como parlamentario pero tambe critico pa cu e mandatarionan, riba nan maneho pero tambe riba comportacion. Si nos por trece e parti critico aki na un manera constructivo, cu por yuda mehora e maneho y comportacion aki, sigur nos lo dal un paso mas pa dilanti pa un gobierno mas efectivo y asina un miho pais. Duna critica no ta solamente nos derecho como representante y sirbido di pueblo, e ta hasta nos deber pa tene nos mandatarionan skerpi, eherciendo e miho maneho posibel. 

 

Politica semper lo hunga un rol na Aruba, e ta parti di ta bendiciona cu un gobierno democratico, na unda diferente partidonan ta lucha pa nan ideologia prevalece. Pero den esaki ban corda si cu nos ta comparti minimo un meta comun, cu ta un miho Aruba pa nos tur. Ban bira mas constructivo!

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio