Home International Reina Elizabeth II lo paga miyones pa defende su yiu Prins Andrew,...

Reina Elizabeth II lo paga miyones pa defende su yiu Prins Andrew, acusa di abuso sexual na Estados Unidos

SHARE

E Reina di Inglatera ta sinta cu un debe grandi su dilanti, ta ser papia di miyones di pounds di su propio fortuna cu lo wordo usa den defensa legal di su yiu Prins Andrew. Diasabra ultimo The Daily Telegraph a publica cu e Prins ta wordo acusa di lo ta meti den caso di abuso sexual na Estados Unidos.

Prince Andrew, Duke of York

E Duque di York a amplia siman pasa su team di jurista y ta busca abogado Melissa Lerner acerca, cu ta uni su mes na Andrew Brettler. E ultimo ta wordo acusa augustus aña pasa den Corte na New York di a abusa sexualmente di Mericano Virginia Giuffre.

E Monarca a bay di acuerdo aña pasa cu e lo paga e gastonan di defensa di su yiu homber cu e fondonan di e Ducado di Lancaster. Na inicio esaki tawata 1,5 miyon pound(1,75 miyon Euro), esaki a crece bira na e suma di 23 miyon pound(26,9 miyon Euro).

Segun fuentenan den e Cas Real cita door di The Telegraph, e cuenta di abogadonan lo subi na “miyones”, den un proceso huridico cu posiblemente lo dura lunas of añas. Esaki segun espectativa lo por termina den un areglo economico cu lo por manda e costonan cu algun miyon mas halto ainda.

Corte di New York a reacciona siman pasa oktober 29 ariba e keho di abuso sexual entrega di parti di Virginia Giuffre.

Giuffre ta bisa cu tempo e tawata tin 17 aña e la wordo forsa pa tene relacion sexual cu e Prins, algo e fayecido magnate Jeffrey Epstein a wordo acusa di dje, cu e lo tawata tin un sex netwerk di mucha muhenan menor di edad. Esnan cu tawata haci uso di servicionan di Epstein ta figuranan mundialmente conoci den mundo di economia y politica. Su man drechi den e escandalo aki tawata Ghislaine Maxwell.

Epstein despues di su aresto(Augustus 2019) a comete suicidio den cel di warda di polis na New York.
Ghislaine Maxwell tambe a wordo aresta y ta cera den e un otro prison den New York mes, acusa di a yuda e business man recluta menornan di edad pa su actividadnan sexual.

Asina nos ta mira cu Prins Andrew yiu di Queen Elizabeth II tambe lo tawata cliente di  Epstein, cu lo tawata tin un netwerk di menornan di edad pa activiadnan sexual cu figuranan Mundial prominente cu tawata desea esaki.