Home » AHATA ta sostene BRA su trayecto di reenforsa First Responders di calamidad

AHATA ta sostene BRA su trayecto di reenforsa First Responders di calamidad

by Admin
0 comment 95 views

 

 

ORANJESTAD, Aruba – Desde 2016 Bureau RampenBestrijding Aruba (BRA) ta implementando un plan di REHAB “The Thirsty, The Hungry and The Tired” pa reenforsa e team di First Responders durante un calamidad.  E plan su meta ta pa hisa Aruba su capacidad di resistencia pa e pais por recupera mas liher despues di un calamidad. 

 

Den combersacion entre BRA y Aruba Hotel & Tourism Association a nota cu e ekipo lo beneficia di tin disponibilidad di un golf cart durante maneho di un crisis. Un golf cart por wordo usa pa transporta BRA su team y diferente articulonan di necesidad. 

 

AHATA a bai en busca di un golf cart entre su miembronan y Divi Dutch Village/Divi Village Golf & Beach Resort a ofrece di restaura un golf cart y regala esaki na BRA.

 

Cu e ekipo aki First Responders por ta bon cuida pa asina nan sigui sirbi e comunidad efectivamente durante un calamidad. 

 

Divi y AHATA a coordina e entrega oficial na e Director di BRA, Sr. Rino Hermans pa uso den e plan “The Thirsty, The Hungry and The Tired”.  Un danki ta dirigi na Divi Dutch Village/ Divi Village pa e valioso gesto. 

 

Den e potret (di links pa rechts): Representante di AHATA- Vanessa Rasmussen, Divi Pro Shop Manager- Yanel Olivero, Director di BRA- Rino Hermans, GM di Divi Dutch/Divi Village Golf & Beach Resort- Ferry Zievinger, Representante di BRA- Rene Ridderstaat.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio