86
Entrante dialuna 4 di october 2021 for di 7’or di mainta pa 7’or di anochi, lo bay cuminsa trabounan di reconstruccion ariba e caminda di Noord – Turibana. E duracion di trabou lo ta 3 siman y area di trabou lo wordo cera pa 24 ora. E trabounan lo wordo haci segun e siguiente fasenan:
- Fase 3 Lo ta T-weg Alvaresstraat te cu T-weg Tai Sheng Hardware Home Center/ Aquazul Aruba Apartments.
- Fase 4 Lo ta T-weg Tai Sheng Hardware Home Center/ Aquazul Aruba Apartments te cu T-weg Turibana 7 y Panaderia Pasteleria Del Campo.
- Fase 5 Lo ta T-weg Turibana 7 y Panaderia Pasteleria Del Campo te cu Turibana 21 y 17B, panort di JR Auto Center.
DOW y KPA ta pidi pueblo di Aruba, tur automobilista y habitantenan pa tene cuenta cu e desviacion aki y e inconveniencia cu lo por surgi pa cual nos ta pidi nos disculpa y ta gradici pa e comprension y cooperacion.