Home Politics Dia 1 di october ta dia di grandinan/adulto mayor, Grandi Hunto ta...

Dia 1 di october ta dia di grandinan/adulto mayor, Grandi Hunto ta dedica luna di october completo cu actividadnan pa adultonan mayor

SHARE

Dia 1 di october ta dia di grandinan/adulto mayor. Pa e motibo aki Fundacion Movimiento Ta Bida (FMTB) den su proyecto Hunto Grandi, Grandi Hunto ta dedica luna di october completo cu actividadnan pa adultonan mayor. Lo organiza e.o. Caminata ,Car rally, charla, Nochi Luna yen, bishita na museo, sportdag.
FMTB ta traha dirigi ariba cu un dia comunidad completo lo sa di brinda respet y reconocimento sincero na grandinan kendenan pa añanan a traha na bienestar di comunidad di Aruba.
Frutanan di nan trabao ta e.o.:
Te 1985 Tur decision pa tur 6 isla tabata ser tuma pa gobierno central na Corsou. Pa tal motibo Aruba su grandinan a Lucha pa status Aparte. Cu logro di status Aparte, gobierno di Aruba mes por a tuma su propio decisionnan.
Te 1991 hende muhe y tambe hende homber soltero tabata gana menos cu homber casa haciendo mesun trabao. Pa tal motibo Aruba su grandinan a Lucha pa “Trabao igual Pago igual”. Na 1992 a logra via huez pa elimina e discriminacion aki. Esta haciendo mesun trabao, pago ta igual.
Asina tin mas logronan cu lo trece na conocemento di tur hende den e proximo dianan.
Den e siguiente calender ta haya un bista di e actividadnan cu Proyecto Hunto Grandi, Grandi Hunto Y Fundacion Movemiento ta Bida hunto cu otro instancianan tin planea pa october.
Pa mas informacion of pa inscribi por yama Rosa Leon 6419272 of 5868651 durante oranan di oficina dia dialuna pa diabierna.
Tur adulto mayor ta keda cordialmente invita pa participa na e actividadnan aki.
Nos deseo ta pa october bira un luna bunita y dushi pa nos adultonan mayor.

Ban uni y goza HUNTO GRANDI, pa asina nos keda GRANDI HUNTO!!!!