Home Local Wardacosta y KPA ta detene indocumentadonan riba tera y lama

Wardacosta y KPA ta detene indocumentadonan riba tera y lama

SHARE

 

Ayera den oranan di anochi e sistema di radar di Kuerpo Policial Aruba (KPA) a detecta un boto  cu lo mester a yega tera den oranan di anochi y baha varios indocumentado na tera. Mesora  Wardacosta y KPA cu nan unidatnan a bai den accion. Den e busceda riba tera, personal di  KPA a detene tres persona den e area di Santo Largo. Riba lama unidat di Wardacosta a  detene e boto cu dos persona na bordo cualnan a baha e indocumentadonan na tera. Na  momento cu Wardacosta a duna advertencia pa stop e boto e personanan no a para e boto.  Wardacosta mester a los algun tiru di advertencia cual durante di e accion un persona na bordo  a ser herida. E persona herida mester a ser traslada pa hospital pa haya tratamento medico. E  otro persona riba e boto a ser entrega na KPA huntu cu e tresnan riba tera pa sigui cu e  investigacion den e caso aki. E caso aki a cana den un bon colaboracion entre Wardacosta y KPA pa proteha fronteranan di nos isla. 

Wardacosta lo keda monitor cu su sistemanan y unidatnan riba lama pa por intercepta botonan  cu ke yega tera na un forma ilegal. Wardacosta ta pidi habitantenan pa na momento cu mira  algu sospechoso of peligroso riba lama of na costa, pa yama Wardacosta riba e number 913 gratis of whatsapp riba 005999 – 5100913. E number aki ta alcansabel di dia y anochi. Cu  cooperaccion di habitantenan alerto nos por mantene e fronteranan y lama safe.