Home Entertainment Fundacion CINEARUBA ta Presenta Playa Film Festival

Fundacion CINEARUBA ta Presenta Playa Film Festival

SHARE

Tur cos ta cla pa e fin di siman aki inicia e vacacion escolar cu un festival di cine educativo yena cu tayernan, masterclasses, charlanan y peliculanan. For di mas cu 300 pelicula a haci un seleccion pa presenta na e publico durante e tres dianan di e festival di cine di Playa.

 

Diabierna prome di october pa 8or di anochi lo habri e festival di cine cu un pelicula largo for di Switzerland titula ‘Neighbour’ dirigi pa Mano Khalil. Despues lo sigui cu un sesion di musicanan di peliculanan presenta pa DJ Adriano Nanof. 

Diasabra atardi e festival di cine ta sigui cu presentacion di peliculanan di e projecto di 48 ora mas un charla tocante e ‘Filmapalooza 2020’ cu a tuma luga na Rotterdam, Hulanda. Lo sigui cu un presentacion di peliculanan pa mucha. Tambe lo tin tayernan pa mucha manera tayer di stop motion cu Lego y tayer di traha maquette pa pelicula cu ta pa mucha, hoben y adulto. Riba diasabra lo sigui cu un presentacion di pelicula largo for di Merca titula ‘The Golf Ball’. Anochi lo tin un seminario di actuacion pa camera duna pa Charles Croes y e prsentacion di ‘Kingdom of Shorts Pari 1’ cu ta un seleccion di peliculanan cortico di reino cu ta consisti di peliculanan di Aruba Korsou y Hulanda.

 

Peliculanan pa mucha y di animacion

‘The Season of Grapes’ dirigi pa Farzaneh Ghobadi, Iran. 

‘Nestling’ dirigi pa Marat Valerievich Narimanov, Russia
‘Catastrophe’ dirigi pa Victoria Silvestre, Brazil
‘Pretty’ dirigi pa Ronney Dotel, Aruba
‘The Jungle Mother’ dirigi pa Evandro Machado, Brazil
‘Paloma’ dirigi Alex Reis, Brazil
‘Kids Report’, Aruba

E peliculanan aki ta programa pa pasa diasabra, 2 di october for di 5’or di atardi.

Tur e actividadnan lo tuma luga na Ateliers ’89 situa na Dominicanessenstraat 34.

 

Kingdom of Shorts Part 1 :

‘Kimaterra’ dirigi pa Ken Wolf, Aruba

‘Cuckoo!’ dirigi pa Jörgen Sholtens, The Netherlands

‘Lumka Varo’ dirigi pa Jeroen Heuvel, Curaçao

‘Update’ dirigi pa Richard Dijkema, The Netherlands

‘Lockdown’ dirigi pa Angel Antonio Soto, Aruba

‘Bon Trabou’ dirigi pa Ronney Dotel, Aruba

‘Lage bay’ dirigi pa Jhon Freddy T. Montoya, Aruba

‘Wak patras’ dirigi pa Cederic Gei, Aruba

‘Nos ta un’ dirigi pa Julie Merencia, Aruba

E peliculanan aki ta programa pa pasa diasabra, 2 di october for di 8’or di anochi.

 

Diadomingo lo ta e di tres dia y e ultimo tambe, cuminsando for di atardi cu presentacion di peliculanan cortico internacional. Lo sigui cu masterclass tocante con pa desaroya bon storianan y personahenan pa pelicula. Lo tin un otro tayer pa muchanan unda cu e muchanan lo bay pone bos pa dibuhonan anima. Lo tin un charla tocante cine local cu lo toca e tema di recurso, calidad y distribuicion di cine local. 

E atardi lo ta yena cu mas actividadnan educativo manera zonido pa cine cu lo enfoca riba e partinan importante di zonido den pelicula. Tambe lo tin un tayer di produccion duna pa Rebecca Roos cu ta concentra riba e parti di plania un produccion entre otro e trahamento di un planificacion di produccion y su importancia. Riba e anochi di diadomingo lo tin e di dos presentacion di ‘Kingdom of Shorts’.

 

International Shorts:

‘Par Nepar’ dirigi pa Mario Brkic, Croatia

‘Primeiro Carnaval/First Carnival’ dirigi pa Alan Medina, Brazil

‘Tics’ by Ted E Haynes, USA

‘Hold Ud 365/The struggle is real 365’ dirigi pa Flook Nielsen, Denmark

‘Absolu/Absolute’ dirigi pa Nicolas Brune/Sasha Foínix, France

‘Life on the edge’ dirigi pa Abhishek Dixit, India

‘Report on a Termination’ dirigi pa Arezoo Shabanian, Iran

‘Haut Les Coeurs/The Right Words’ dirigi pa Adrian Moyse Dullin, France

 

Kingdom of Shorts Part 2 :

Crocus Time’ dirigi pa Thijs Breukers, The Netherlands

‘REM’ dirigi pa Kenna Hernandez, Aruba

‘E Soño di Fiesta den Sabana’ dirigi pa Jhon Freddy T. Montoya, Aruba

‘Tahit’ dirigi pa Rovendley Welvaart, Curaçao

‘Don’t Abandon Me’ dirigi pa Desiree G. Croes, Aruba

‘Light Help’ dirigi pa Angie Gonzalez, Aruba

‘Gifts from Babylon’ dirigi pa Bas Ackermann, The Netherlands

‘Shots of Hope’ dirigi pa Idan Abraham Hernandez, Aruba

 

“E prome edicion Playa Film Festival ta hiba e lema di hunto atrobe. Riba tres dia nos lo bin hunto atrobe cu nos amigonan, famianan pa hunto participa na actividadnan educativo y creativo. Hunto nos lo bolbe disfruta cu nos cernan keri di peliculanan cu lo inspira nos.” Esaki ta e meta di ‘Playa Film Festival’. Manteniendo tur e reglanan di DVG, fundacion CINEARUBA lo ofrece na e comunidad y e muchanan un alternativa pa e vacacion escolar cu lo inicia diabierna awor.

 

Playa Film Festival ta un proyecto di fundacion CINEARUBA, ehecuta pa Juan Francisco Pardo y Adriano Nanof. E proyecto ta posibel danki na e sosten di Prins Bernhard Cultuurfonds Caribisch Gebied, VNO, Setar N.V., Unoca, Aruba Bank N.V., Aeropuerto Internacional Reina Beatrix, Bison, Ateliers ’89 y Departamento di Cultura Aruba. Pa medio di contribucion chikito e publico lo tin acceso na tur e actividadnan durante ful e dia. Pa mas informacion por bishita e pagina www.playafilmfestival.com

 

Francisco Pardo

Fundacion CINEARUBA