Home Police Auto a perde control mondi na mondi, un persona a resulta herida

Auto a perde control mondi na mondi, un persona a resulta herida

SHARE

Tanki Leendert – Diadomingo anochi informacion a drenta cu auto a drenta mondi na Tanki Leendert y cu tin hende herida.

Mesora polisnan a bay pa e sitio, unda cu ariba e crusada cu ta bay ariba y bo ta yega Sero Patrishi/Modanza nan ta haya un auto color cora marca MG.

Manera cu e informacion tawata indica polisnan a mira e auto hinca den e mondi banda di pariba.

Ambulance tambe tawata na caminda, y na yegada Paramediconan mester a drenta e mondi pa asina atende cu un di heridonan, cu tawata un dama.

Na e sitio nos a compronde cu un otro auto lo a primi gasolin y subi caminda dilanti e auto MG cu tawata biniendo di zuid. Chauffeur di e MG pa e no dal contra e auto cu a sali su dilanti a desvia, perdiendo control y a kita na su man drechi pa bay termina den mondi.

Polis di trafico a presenta y despues di e a saca e dama for di e auto Paramediconan a hibe Hospitaal.