Miembronan di Aruba One Happy Island Lions Club y Delta Aruba Leo Club a entrega 50 lunch pa persona nan cu ta biba riba caya sin un dak riba nan cabez.
Fin di siman pasa miembronan di Aruba One Happy Island Lions Club y e hoben nan activo di Delta Aruba Leo Club a cushina y entrega 50 lunch na persona nan ambulante na Oranjestad y San Nicolas.
Combati hamber, banda di prevencion di diabetes, Cancer di mucha, Medio Ambiente y Vision, ta un di e 5 pilarnan cu clubnan Lion ta focus riba dje mundialmente.
Cu hopi amor e miembronan mes a cushina e plato aki y despues miembronan mes a subi caya pa haci entrega di e lunch aki. E lunch a wordo ricibi man habri pa e personanan aki cu kizas ya tin dias sin come un cuminda saludabel.
Un danki special ta bay pa tur nos patrosinadornan cu a haci e evento aki posibel. ASD Aruba, Caribbean Overseas, Fruteria Virgilio, Happy Ponics, Tropical Bottling Company.
Nos ta pidi pueblo di Aruba pa sigui yuda nos organisa eventonan na bienestar di nos comunidad door di haci donacion riba nos cuenta bancario na Aruba Bank # 6005880190.
