Home Police Atracador bou gritamento a drenta luga di lotto na Tarabana

Atracador bou gritamento a drenta luga di lotto na Tarabana

SHARE

Caya G.F.Betico Croes – Diahuebs den oranan di anochi rond di 8’or informacion a drenta di un atraco na un luga di lotto.

Siman pasa tambe tawata tin un atraco ariba un luga di lotto den Koningstraat.

Diahuebs anochi a toca turno na Tarabana Lucky Lottery. 

Polis segun vocero suplente di KPA a yega den 3 minuut, indicando cu nan tawata hopi cerca.

Segun nos a compronde algun rato prome cu e luga tawata bay cera un hoben cu mondkapje a drenta, e señora a pensa cu e persona lo a drenta pa cumpra lotto.

A resulta cu e hoben a cuminsa grita pa placa y lo a pusha e señora unda cu e la logra bay cu 300florin. No tawata tin niun arma envolvi.

E persona a sali core bay, y mesora patruyanan ariba caya a cuminsa tira bista ariba e descripcion haya di e señora.

Atraco team y tambe slachtofferhulp a wordo poni na altura pa presenta na e sitio.

Polis ta pidi si un persona por a mira algo por yama tip line 

111-41