Home Local E cuidador neglishá Fundacion Alzheimer Aruba ta invita Comunidad y Prensa...

E cuidador neglishá Fundacion Alzheimer Aruba ta invita Comunidad y Prensa pa asisti na un Santo Sacrificio di misa. Diasabra awo dia 25 di september 2021.

SHARE

E cuidador neglishá

Fundacion Alzheimer Aruba ta invita Comunidad y Prensa pa asisti na un Santo Sacrificio di misa. Diasabra awo dia 25 di september 2021. 

Luga: Misa Imaculata Concepcio, Santa Cruz  

Ora: 7:00 p.m.  

Meta: Laga nos pidi la Virgen Concepcion pa union y apoyo den comunidad pa haci un diferencia den e  peso di e cuidadornan aki den cuido di un ser keri/ familiar na cas.  

E envehecimento (vergrijzing) den nos comunidad y escases di cuidadornan na cas tin como consecuencia  cu mas y mas ta pone un ser keri den un cas di cuido. E asina yama generacion di e ‘Baby Boomers’ ta  conoci cu e cuido di nan mayornan na cas. E generacion ey a lanta cu e educacion cu yuinan mester cuida  nan mayor ora nan bira grandi. Esey ta posibel pasobra e mayornan di e babyboomersnan ey tabatin  suficiente yiu cu maske ta un yiu por a tuma e responsabilidad aki di cuido na cas ora un mayor bira  dependiente di cuido Ainda tin hende cu a keda cu e custumber aki y hasta lo traha parttime pa ta na cas  cu un ser keri cu mester di cuido na cas. Independientemente di nan circunstancia particular, pa ser un  cuidador familiar ta un rol cu su reto. Hopi cuidadornan den famia, probablemente nunca a anticipa e  situacion cu nan lo topa den nan bida. Sinembargo, no ta necesario di ta un experto den enfermeria, un  superheroe of un santo pa ta un bon cuidador di un familiar. Cu ayudo y apoyo adecua, e cuidador por  brinda un atencion cu amor y eficacia sin tin mester di sacrifica su mes den e proceso. Hasta cu e cuido  aki por haci cu e cuidador aki por experiencia sentimentonan gratificante, tanto p’e mes como pa su ser  keri. Tambe cuida un ser keri por desencadena un serie di emocion dificil, cu por hiba na rabia, miedo,  resentimento, culpa, impotencia y dolor. Ta importante reconoce y acepta loke bo ta sinti, tanto cos nan  bon como malo y no castiga bo mes ora otronan ta culpabo di no ta perfecto of di a lubida haci algo. Hopi  ta esnan cu ta wordo mira como menos ora keda cas pa cuida un ser keri. Ta hustamente e grupo aki ta e  grupo cu por cay den soledad, isolacion, hasta depresion y cuminsa haya problema cu salud y cu un chens  grandi di fayece prome cu e ser keri bou su cuido. Si abo como cuidador principal di un ser keri cu un  trastorrno neuro-degenerativo di e tipo Alzheimer bo mester realisa cu bo no por haci tur cos bo so. Bo  mester ayudo di amigo, ruman, miembro di famia, bisiña, profesionalnan, etc. Si bo no ricibi e apoyo  necesario, lo bo tin chens di agota y bo habilidad pa duna cuido lo ta comprometi. Comunidad, Iglesianan,  service Clubs, Gobierno, etc, tin un rol importante pa duna sostén na cuidadornan di un ser keri na cas.