Home Police Accidente entre auto cu brommer, auto a sali dilanti brommer, dos persona...

Accidente entre auto cu brommer, auto a sali dilanti brommer, dos persona levemente herida

SHARE

Tanki Flip: Diaranson den oranan di mainta a sosode un accidente riba e caminda di Tanki Flip, un poco mas pariba di e rotonde di Tanki Flip. Un auto Kia Blanco a sali for di e caminda bandi panort y a subi caminda dilanti di un brommer cu tabata biniendo di pariba. E brommer a dal den banda di e auto, riba e brommer tabata tin dos persona. Ambos a keda levemente herida, un di e motociclistanan tabata kehando di dolor na su pia. Presencia di polis di trafico y tambe ambulance a wordo pidi na e sitio.

Na yegada personal di ambulance a trata e dos heridonan na e sitio y a dicidi di transporta un di e heridonan pa hospital pa un checkeo medico avansa.
Polis di trafico tambe a presenta na e sitio pa asina atende cu e accidente aki.