Home Police Wiel di un truck carga cu santo a kibra, e la keda...

Wiel di un truck carga cu santo a kibra, e la keda para memey caminda strobando trafico

SHARE

Macuarima:
Diamars den careda di 8’or di mainta presencia di polis a wordo pidi riba e caminda di Kibaima na altura di 88 foodmart na Macuarima, pa motibo cu un truck carga cu sa santo su wielnan di dilanti a kibra y e truck a keda para riba caminda strobando e fluho di trafico bayendo direccion pazuid.

Polis a bay na e sitio, nan a cera e parti di caminda cu ta bay direccion pazuid y a desvia e trafico mandando nan direccion di Papilon, Sabana Grandi pa nan sali mas pazuid. Despues di casi un ora, takelwagen a yega na e sitio y a logra lanta e truck. E truck a wordo lanta y hala for di caminda pero e santo cu tabata den e truck a mester a wordo basha riba caminda pa asina nan por a takel e truck. E caminda a keda pa basta rato cera.