Home Dutch Kingdom Homber (58) y un muher (52) deteni, na Limburg pa abuso...

Homber (58) y un muher (52) deteni, na Limburg pa abuso sexual cu 7 mucha muher chikito

SHARE

Limburg Hulanda:

Polis despues di un investigacion intensivo a detene un homber y un muhe procedente di Limburg, nan a keda deteni como sospechoso principal pa abuso sexual cu 7 mucha muher chikito

E caso a cuminsa dia 12 di juni ultimo, na momento cu mayornan di un mucha muhe di 2 aña a yega cas despues di a sali. E muher sospechoso a babysit nan yiu den nan cas. Despues cu e sospechoso a bay, e mayornan a dicidi di bay mira e grabacion for di e camara cu tabata instala den e camber di nan yiu y pa nan sorpresa nan a mira con e babysitter tabata abusando sexualmente di nan yiu chikito. Mesora nan a pone polis na altura.

E mesun anochi aki autoridad a haci un entrada hudicial na cas di e babysitter. E la keda deteni, tambe den su cas durante un buskeda autoridad a confisca varios articulo, entre otro harddrive, USB etc cu nan a haya den e cas. For di e imagennan capta den camber di e criatura por a mira bon cla, cu durante cu e babysitter tabata abusando di e mucha e tabata den contacto via videocall cu un otro persona. Aki tabata trata di un homber di 58 aña di Noord Limburg. Autoridad mesora a haci un entrada hudicial na e cas di e homber tambe y a confisca varios portable hard drive.

Segun vocero policial di Limburg, e dos sospechosonan aki ta conoci di otro, pero no ta conoci di husticia.

For di investigacionnan haci pa e team yama Team Grootschalig Opsporing (TGO) a sali na cla cu e muher desde 2019 via diferente babysit sites tabata ofrece su servicio di babysit, durante e investigacion a bin resulta cu cerca 6 famia, unda e sospechoso a babysit, e la comete actonan di abusonan sexual cu muchanan chikito. En total 7 mucha muher a wordo abusa pa e babysitter aki. Durante cu esaki a sosode, tabata trata di muchanan di entre 1 pa 6 aña cu a bira victima di abuso sexual. E famianan mesora a haya ayudo psychologico y guia di slachtofferhulp.

E abuso a wordo filma pa e babysitter tambe y e imagennan aki a wordo manda pa e sospechoso di 58 aña. NO tin indicacion cu e imagennan aki a sigui wordo manda pa mas hende of por ehempel  a wordo geload riba e darkwebnan.

Segun Fiscal: Un cos ta bon cla, 7 mucha muher chikito a bira victima di abuso sexual. Tambe e la sigui bisa cun for di investigacion haci, no ta mustra cu lo por tin mas mucha cu por a bira victima di abuso sexual di e babysitter aki.