Home » Caso Ibis: Melony a hiba ultimo palabra den Corte y hopi emocional a expresa con e tin 4 aña y mey ta sufriendo

Caso Ibis: Melony a hiba ultimo palabra den Corte y hopi emocional a expresa con e tin 4 aña y mey ta sufriendo

by Admin
0 comment 56 views

Melony a haci uzo di su derecho y a hiba e ultimo palabra, hopi emocional

Oranjestad: Diamars merdia durante tratamento di e caso Ibis den Corte, Melony den su derecho di ultimo palabra, a expresa na Hof cu e no ta sinti su mes mucho bon. Un Melony hopi emocional a expresa, cu e la mira e estatua di Husticia cu e no tabata tin confianza aden. Pero awor e ta sinti hopi rabia y tristeza, durante 4 aña y mey e ta sufriendo.

E la presenta cu su anotacionnan pa duna su ultimo palabranan den Corte. Melony a bisa cu ta prome biaha cu e ta para den un caso penal. E la bisa cu e ta para pa defende su nomber, pa asina e por sigui como un comerciante hoben. E ta puntra su mes ta con leu Ministerio Publico tin cu bay den bo bida. Tur esaki door di un informante fantasma, cu te riba e dia di awe no ta conoci, e informante cu a hincami den e caso aki.

Melony a sigui expresa su mes den corte bisando, cu nunca e la bringa riba caya of a yega di menaza hende. E ta puntra su mes si realmente e informante cu a hink’e den e caso aki ta existi! Tambe e ta puntra si ta ok pa Ministerio Publico sconde declaracionnnan cu no ta combininan. E dos personanan importante den e caso aki no tey. E informante y e empleado di Melony cu a wordo interoga y su declaracion a disparce tambe.

Melony a sigui bisa cu nan a bay cu grabacionnan cu nan no a usa, nan a drenta 2 biaha den su cas, nan a pone aparatonan den cas y a persigui su persona y su yiunan. Pa e motibo aki e no ta confia Ministerio Publico y ni Husticia na Aruba. E ta contento di a haya un chens di por expresa su mes. E tabata wordo acusa di a laba 209 mil florin. Mi mester a bringa contra un grupo asina poderoso y siman pasa den 1 minuut a reduci e 209 mil florin cu 100 mil florin. Melony a sigui bisando cu tur cos ta sosode na su debido momento, awor e la haya expertonan financiero cu a demostra cu e no a laba placa.

Melony “Ami a apela apesar cu Ministerio Publico no a sigui persiguimi, mi no por acepta un castigo di 240 ora di trabou comunitario, pasobra mi ta inocente”. Mi ta traha duro y apesar di e pandemia, mi a logra bin cu un negoshi den cual hende ta confiami pa busca cosnan pa nan. E persona cu Ministerio Publico kier pint’e di casa di un Minister, ta un muher orguyoso y trahado.

Segun Melony, prome cu e la conoce Paul Croes e tabata tin dos business. E la sigui bisa den corte cu e ta bin di un famia, di un mama independiente y pesey semper e la percura pa traha duro y no depende riba su casa. Segun Melony su situacion di salud no ta bon y no ta bisa hende ora e ta malo. E tin berguenza pa ta conta esaki na Hof. E la sigui expresa su mes den corte bisando cu tur e ideanan cu e tin pa negoshi, banco a paranan, esaki door di e speculacion di Ministerio Publico. Melony a sigui bisa cu e ta conta cu e apoyo di su mama y su famia. Su dos yiunan a sufri ora cu polis a drenta nan cas, na momento cu tur hende tabata drumi. Su dos yiunan a keda afecta y awendia tur dos mucha ta malo. Su yiunan a keda traumatiza pa loke nan a biba na momento cu polis arma a drenta nan cas.

Hof a cera tratamento di e caso IBIS y a bisa cu 12 di october pa 1’or y mey via video conference lo dicta sentencia.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio