Home » BESTUURSKANTOOR A WORDO BENDICIONA PA PASTOOR ANDRES MACOVIEC

BESTUURSKANTOOR A WORDO BENDICIONA PA PASTOOR ANDRES MACOVIEC

by Admin
0 comment 65 views

Dia despues di huramentacion di Ministernan pa Gabinete Wever-Croes II, a haya bishita di Pastoor Andres Macoviec pa duna bendicion na cada Minister y Bestuurskantoor en general. Esaki den tur sentido tabata un dia bendiciona pa Gabinete Wever-Croes II siendo e prome dia di trabou oficial di Gabinete Wever-Croes II. Prome cu mandatarionan a drenta den nan respectivo oficinanan den Bestuurskantoor, nan a haya bendicion di Pastoor Andres Macoviec dilanti di e edificio pa ricibi tambe e bendicion y guia di Dios pa nan cumpli cu nan trabou debidamente y pone Aruba na prome luga.

Hunto cu Pastoor Andres Macoviec, e mandatarionan a drenta Bestuurskantoor. Henter e edificio y cada oficina y espacio a wordo bendiciona mientras Pastoor tabata resa pa e bienestar y proteccion di Gobierno y pueblo di Aruba.

Pastoor Andres Macoviec a desea Gabinete Wever-Croes II hopi sabiduria, elocuencia y comprendemento spiritual pa goberna nos pais y forsa pa enfrenta tur cos cu hopi pasenshi. Pastoor a encurasha e ministernan pa keda uni pa asina hunto tuma e miho decisionnan pa miho desaroyo di nos pais.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio