Home Dutch Kingdom Sociedad di Bayena di Caribe (Caribbean Cetacean Society), un NGO (organisacion no...

Sociedad di Bayena di Caribe (Caribbean Cetacean Society), un NGO (organisacion no gobernamental) Caribense nobo, ta mustra resultado excepcional durante su prome expedicion cientifico den India Occidental

SHARE
Sociedad di Bayena di Caribe (Caribbean Cetacean Society)

MARTINIQUE – Despues di a completa 4 di 6 expedicion cientifico, Sociedad di Bayena di Caribe (CCS) a studia mas di 2950 mamifero marino di 10 especie diferente visualmente y acusticamente entre e islanan di Anguilla y Martiniqu e zomer aki durante su proyecto “Ti Whale an Nou 2021”. (Nos Bayenanan Chikito). A registra mas di 600 ora di zonido bioacustico di alta frecuencia den 50 dia durante un esfuerso di investigacion sosteni cu a extende pa mas di 4000 kilometer.

E GNO, funda recientemente pa biologo marino Caribense di Martinique preocupa pa proteha nan teritorio, ta mustrando resultado prometedo durante su prome aña di investigacion. Navegando banda di 13 isla di Caribe durante dos luna, a compila dato tocante mamifero marino den henter e region. E organisacion Caribense aki ya ta posiciona como coordinado pa promove cooperacion necesario entre e diferente islanan pa yuda mehora conservacion di especie cu no conoce frontera. For di e prome monitoreo, ta posibel traha un plan di maneho entre e islanan di Caribe pa proteha e mamiferonan marino den tur e awanan igualmente.

E prome 4 expedicionnan aki a permiti registra acusticamente orca (Orcinus orca) den Antiya pa prome biaha y recolecta e prome foto-identificacion di e especienan na Martinique. Especie straño manera orca pigmea (Feresa attenuata) a wordo mira pa prome biaha den Santuario di Tiburon y Mamifero Marino di Yarari, un area cu ta consisti di e awanan di Boneiro, San Eustatius y Saba dedica na proteha bida marina. E estudio di 18 famia di potvis (Physeter macrocephalus) den Caribe a demostra cu e clan socialnan aki ta wordo parti entre Santuario Yarari di e islanan BES y Santuario Agoa di e islanan Frances pa prome biaha. P’esey cooperacion (un di e pilarnan di e CAC) ta e yabi pa proteha e mamiferonan marino di manera eficiente.

Banda di compila dato cientifico, e iniciativa di Caribe a beneficia mas di 20 participante activo den investigacion di mamifero marino den region di Gran Caribe. E participantenan local a wordo capacita y a adkiri habilidad den e tema poco conoci aki durante e expedicionnan aki pa mehora conocimento di e mamiferonan marino den nan teritorio.

Pa cada expedicion, un tripulacion di 6 a participa den e expedicion en busca di bayena y dolfijn. Un sistema di hidrofono cu a wordo getou a permiti nan scucha cua especie di mamifero marino tin cerca di e barco durante dia y anochi. Inspeccion visual continuo desde e dak di e barco ta yuda nan señala e mamifero marinonan na superficie di awa. Ora cu e animalenan ta bin suficientemente cerca di e boto, e tripulacion ta compila informacion cu camara cu telelens. Cu esaki nan ta identifica potvis pa medio di e staartvin mescos cu nos ta haci cu fingerprint. E informacion aki ta permiti establece famia y registra e movemento den henter Antiya.

Tur e islanan di Caribe ta depende di ecosistema marino pa nan alimentacion y ingreso, pa cua motibo ta importante proteha esaki. E bayenanan ta un especie vital pa e humanonan. Poco hende ta na altura, pero e bayena grandinan ta captura 4 biaha mas dioxido di carbono y ta produci 4 biaha mas oxigeno cu e selva grandi di Amazona anualmente. Por ehempel, el potvis ta e depredador mas grandi di mundo, nan ta biba den famia, nan tin cultura y ta papia diferente idioma entre e clannan. Perdida di e especie aki lo por implica un desaster pa bida marina manera nos conoc’e.

E resto di  expedicion sigur cu ta bay revela otro resultado fascinante tocante nos patrimonio natural di cua sa asina poco.

Red y socio

E mision aki ta resultado di e cooperacion di un red Caribense, cu ta parce di ta e miho solucion pa proteccion di e especienan migratorio cunos ta comparti. Esaki ta posibel danki na participacion di socios publico y priva: Corail Caraibes, World Wildlife Fund for Nature – Hulanda, EDF Group Foundation, Orange Foundation, SARA, DCNA y AWI.