Calabasstraat – Dialuna den oranan di mainta pasa di 11’or informacion a drenta cu na altura di YMCA tin un cas na candela.
Esaki a pone cu mesora patruyanan di Playa a bay e adres cu ta cay den Calabasstraat cu Olijfistraat.
Na yegada di polisnan berdad tawata tin huma saliendo, ya Brandweer tawata na caminda.
Na e sitio nos a scucha un bisiña cu ta esun cu a drenta den accion ora e la mira huma saliendo di e cas.
Momento cu e la drenta e cas e la tuma nota cu e candela tawata na e stoof.
Esaki tawata debi cu nan lo a sali y laga e stoof cendi causando e candela.
Por a mira cu e candela a cuminsa pega e bentana di palo cu ta cerca.
Polis na e sitio cu ayudo di un slang a basha esaki unda e candela tawata, net Brandweer a yega.
Brandweer na su turno a bay tira bista y a habri e cas pa ontlucht o sea pa e holor di huma y e huma mes por sali.
Slachtofferhulp tambe a wordo poni na altura di e incidente lamentabel aki.
