Home » 4 MODELO SPECIAL DI “SEA BUNITA SEA BO MES” A SALI ARIBA PANTAYA GIGANTESCO (BILLBOARD) NA TIME SQUARE NEW YORK

4 MODELO SPECIAL DI “SEA BUNITA SEA BO MES” A SALI ARIBA PANTAYA GIGANTESCO (BILLBOARD) NA TIME SQUARE NEW YORK

by Admin
0 comment 62 views

Diasabra 19 di September 4 Modelo special di “Sea Bunita Sea Bo Mes” a sali ariba e pantaya gigantesco (billboard) na Time Square New York.  Esaki a wordo estrena mientras cu miles di persona por a wak Shawndré Geerman, Regina Janga, Jaydrick Clement y Sara Mora  Contreras durante e evenemento cu National Down Syndrome Society (  NDSS) a organisa riba Time Square na New York pa 2021. Anualmente  NDSS ta recorda riba e “cariño special” cu personanan cu Down  Syndrome ta influencia den nos Comunidad. Durante un presentacion  riba e pantaya gigante (bilboard) ariba Time Square na New York, 500  persona cu ta consisti di mucha te cu adulto cu ta Down Syndrome a  wordo presenta. E video mas bien ta un forma di recorda y contribui  logronan y balor cu personanan cu Down Syndrome tin den nos  comunidad. E meta di NDSS ta pa crea concientisacion, acceptacion y  inclushon pa e personanan cu tin Down Syndrome. Diasabra hopi  famia a bin for di tur skina di mundo y a topa na New York pa participa  den diferente evento cu a wordo organisa pa NDSS. Debi na e  “pandemia”, atrobe e encuentro tabata diferente. Despues di mustra e  video riba Time Square tur participante a asisti na diferente evento  virtual cu e organisashon a presenta. Tabata tin entre otro un  ceremonia di apertura “virtual” di NYC buddy Walk, un fiesta pa entrega di premio. Tur esaki a wordo tansmiti vitualmente na mas cu  150 cuidad na merca y tambe den diferente parti na mundo caminda  mas di 325 mil persona a conecta via di internet. Apesar di e crisis di  pandemia NDSS toch a logra organisa e evento special aki unda Shawndré, Regina, Jaydrick y Sara di Aruba y tur otro persona cu Down  Syndrome por a participa. Esaki sigur ta un tremendo logro pa nos dushi  Isla Aruba. 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio