Home » Minister Glenbert Croes durante congreso di FTA: Trahador ta nos tur

Minister Glenbert Croes durante congreso di FTA: Trahador ta nos tur

by Admin
0 comment 65 views

Diaranzon 15 di semptember ultimo a tuma luga e di 24 congreso di e sindicato FTA pa conmemora su 57 aniversario. Na e ocasion aki mi a subraya e conferencia anual di ILO 16 di juni ultimo, durante cual 181 pais a acepta un resolucion UNANIMAMENTE cu ta haci un yamada global pa accion pa logra un recuperacion laboral di COVID 19 unda e ser humano ta central, un desaroyo inclusive, sostenible y resiliente.

Esaki ta nifica un accion global pa un recuperacion cu lo beneficia UN y TUR y tambe NOS PLANETA.

Na e ocasion aki, mi a subraya un parti importante di e resolucion di ILO cu ta referi na e compromiso cu

Gobiernonan, Dunadornan di Trabao y Sindicatonan lo mester tin pa por logra:

  1. Crecemento economico y empleo
  2. Proteccion pa tur trahador
  3. Proteccion social universal
  4. Dialogo social.

Nos gobierno ta sostene e resolucion aki y lo haci esfuersonan necesario pa por logra e compromiso aki cu nos gremionan pa hunto realisa e puntonan cu e resolucion ta menciona. Finalmente e meta ta, e beneficio cu esaki lo trece cu ne pa un y tur, cu e ser humano central y tambe cu atencion special pa nos planeta.

 

Durante e discurso di e mandatario, el a laga un reflexion atras: “Trahador ta nos tur. Hasta e dunado di trabou un dia tabata un trahado cu a traha duro, crece, progresa para riba su propio pianan, cuminsa su propio empresa, y atrabes di su inversionnan a crea cuponan di trabou pa otro.” N’e crusada unda awe nos ta para, laga nos tur traha hunto pa por nos saca nos Pais padilanti pasobra e recuperacion ta depende di nos tur pa e por ta pa nos tur.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio