Home Politics Minister Glenbert Croes a traspasa Ministerio di Asunto Social oficialmente

Minister Glenbert Croes a traspasa Ministerio di Asunto Social oficialmente

SHARE

 

E mandatario encarga cu Asunto Social desde 17 di november 2017, a haci traspaso oficial na e proximo Minister di Husticia y Asunto Social, Sr. Rocco Tjon.

Manera Minister Glenbert Croes a expresa durante e traspaso, e combinacion di Husticia y Social lo haci e cooperacion entre ambos Ministerio hopi mas estrecho cu ta sumamente importante pa un bon ehecucion di e.o Sociaal Crisisplan como tambe e maneho social cu Sr. Tjon lo kier hiba.

Di su banda Minister Glenbert Croes ta sinti cu el a duna hopi atencion na e problemanan social sperando cu su entrega a crea un fundeshi fuerte riba cual Sr. Tjon por sigui construi. E tin tur confiansa den Sr. Tjon su vision y ta dese’e tur clase di exito ademas di cu semper lo por conta cu su apoyo.

Glenbert Croes proximamente lo ta e Minister encarga cu Labor, Energia y Integracion. Su maneho lo ta enfoca riba rescate di un otro pilar economico, creacion di cuponan di trabou ehecutando e programa Aruba kier Traha, como tambe union y integracion.