Home Corte Masahista di inicial M.M. cu a haci actonan sexual cu dos dama...

Masahista di inicial M.M. cu a haci actonan sexual cu dos dama mester a presenta den corte

SHARE

Oranjestad:
Diahuebs den oranan di mainta, corte a trata un caso di un masahista di inicial M. M. pa a viola y a haci abuso sexual cu dos dama. Fiscal teniendo na cuenta cu ta prome biaha, e ta pidi 255 dia di prison, 245 ta condicional. 200 ora di trabou pa comunidad y 3 anja sin por eherce e trabou di masahista.

E Homber di inicial M. M. ta wordo acusa di a viola y haci abuso sexual cu dos dama.
E victima a haci un denuncia contra M. kende riba e fecha di 4 di november 2019 a haci actonan sexual cu e victima na momento cu e tabata dunando e victima masashi. M. lo a penetra e victima cu su dede. Tambe e lo a haci mescos cu un dama Mericano.

E victima riba 4 di november 2019 a bay tuma un masashi cerca M.M. pasobra e victima tabata tin dolor di lomba y esaki tabata e di dos biaha cu e la bay cerca M. M. pa un masashi.
Segun e victima, M. M. lo a pidi’e pa kita su paña y a dun’e un serbete. M. M. lo mester a massage su bilnan.

Na dado momento M.M. lo a mishi cu e parti intimo di victima. E victima mesora a reaciona y a puntra M.M. kiko ta pasando.  M.M. a cuminsa hari y a bisa e victima pa e relax. E momento ey M. a penetra e dama den su vagina, usando su dede. E victima a puntra M. kiko ta pasando. M.M. a pidi e victima disculpa. E la hinca rudia dilanti di e victima y lo a pidi’e pordon. Tambe e la pidi e victima pa no bisa ningun hende kiko a pasa.

E victima a bisa cu e tin comprension pa M. kende recientemente a casa y lo por tin problema. E victima a bisa M.M. cu e no kier tin nada di haci si e tin problema cu su señora. E  la puntra e victima si e kier pa e sigui cu e masashi y e victima a bisa cu si.

E siguiente dia M.M/ a yama e victima, pero e no a contesta. Ora e victima a bay conta su amiga. E amiga a bis’se pa bay haci denuncia. Despues e victima a conta su mama, su mama a keda den shock. Segun e victima, M.M. a mand’e un whatsapp puntrando e con e ta sinti y e victima a bisa cu no bon y mihor tene distancia. E victima a tuma e desicion di bay haci un denuncia.

Fiscal a mustra cu tur dos victima a keda afecta y lo mester bay siña biba cun’e.  Comunidad mester tin confianza den un hende cu ta haci masashi, pero M.M. a defrauda su cliente. Fiscal teniendo na cuenta cu ta prome biaha, e ta pidi 255 dia di castido di prison, di cual 245 ta condicional. 200 ora di trabou pa comunidad y tambe 3 aña sin por eherce e trabou di masahista.

Fiscal a bisa hues cu tin prueba cu M.M. a abusa di e victima di Aruba na November 2019 y a mishi tambe cu e otro victima un dama Mericano na october 2020. Tur dos denuncia ta relaciona cu masashi haci pa M.M. Tur dos riba indicacion di M.M. a kita nan panty y M.M. durante masashi a mishi cu nan parti intimo.

Den e caso di november 2019, M.M. a hinca dede den e parti intimo di victima. Den caso october 2020, e dama Mericano a reclama y M.M. a stop di biaha. Den ambos caso e la pidi su victimanan sorry. Awor cu a confronta  M.M. cu tur esaki E  ta desmenti categoricamente.