Home » E ta creativo y tin talento pa busca solucion  Rashidah Maduro t’e empleado di luna

E ta creativo y tin talento pa busca solucion  Rashidah Maduro t’e empleado di luna

by Admin
0 comment 42 views

 

 

 

ORANJESTAD, Aruba – Tur luna Dr. Horacio E. Oduber Hospital ta otorga certificado na un empleado cu a destaca. E biaha aki a toca Rashidah Maduro, enfermera riba piso Snijdend 3. E coleganan hunto a entrega su nombracion na Hunta di Directiva y ela wordo scogi tambe y a bira empleado di luna di augustus. Coleganan a prepara e luga cu bunita decoracion y a invit’e pa un supuesto ‘meeting. Rashidah tabata hopi sorprendi. Esaki tabata algo cu e no a spera y el a gradici tur colega cu a scog’e. 

 

Rashidah tin cinco aña trahando na Hospital unda ela cuminsa como junior verpleegkundige. Loke e gusta di su trabou ta traha directamente cu e pashentnan, y claro brinda e cuido na e pashent y esey t’e prome motibo pakico ela scoge p’e trabou aki. E calidad di trabou ta importante y sigur continuamente keda mehora y bay dilanti. Esunnan cu kier traha den e tereno di enfermeria, e ta conseha nan tur pa bay p’e pasobra e ta encera masha hopi mes, y ta super dinamico. Un persona den e tipo di trabou aki ta crece den tur sorto di area, pues tur sorto di aspecto pasobra esaki ta un trabou cu bo ta traha cu diferente pashent. Constantemente tin reto pero asina bo ta crece y gana conocemento. 

 

Jarvis Winklaar, zorgmanager di Snijdend 3, a duna di conoce cu coleganan di Rashidah a nomin’e varios biaha. E ta un persona cu semper ta inovativo den tur loke e ta haci y semper t’ey pa tur hende. Sr. Winklaar a duna di conoce cu Rashidah tin curason pa pashent y ta purba tur ora di mira con pa haci e cosnan miho. E ta un teamplayer, tin un actitud positivo y semper ta trata otro cu respet. E ta busca alternativanan pa trabounan por cana ‘smooth’ y ta follow up. E ta scucha otro y ta un persona habri pa haya feedback pero tambe ta duna feedback ora tin mester. Rashidah ta un persona calmo hasta den momentonan druk. E ta creativo y tin talento pa busca solucion. E ta un persona cu hopi empatia cual ta un caracteristica ideal pa e tipo di trabou aki. Entre otro door di esakinan a scog’e como empleado di luna y su coleganan ta contento cu ela wordo nombra tambe door di Directiva di Hospital.

 

Sr. Winklaar a cuminsa traha cu Rashidah na 2019 y e ta contento cu e ta forma parti di su team. E manera cu Rashidah ta traha ta yuda cu e trabou di dje tambe por bay mas lihe. Henter e team ta uno tremendo, pero den e caso aki Rashidah ta esun cu a destaca y e ta bay e extra miya. Masha pabien cu e bunita reconocimento aki Rashidah!

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio