In memoriam ing. Arsenio Chenco Yarzagaray
Un ayo y te despues na un gran Amigo; Chenco Yarzagaray di parti di Gabi Werleman.
Ta basta anja atras cu mi a sera conoci cu Arsenio (Chenco ) Yarzagaray despues di a haja e nombracion di Administrador na WEB, na unda Chenco tawata Director.
Promer cos cu mi a sinja di Chenco twt waak pa semper pa ta un stap dilanti di tur situacion.
Dos dia na trabou Chenco a duna mi mi promer test; esta firma e pago pa azeta pa Lago, un cuenta di 2,4 mijon florin. Nunca di mi bida mi no a firma pa un cuenta ni di 500 florin. Pero mi a hiba e documentonan mi cas y mi a pasa den tur e controlnan cu a ser hasi door di hefe di produccion y pa cual e a firma cu tur cos ta bon.
Despues di a check algun di e calculacionnan mi a dicidi di firma pa ta ok pa paga. Pa su majan mainta tempran personalmente mi a hiba e cuentanan pa Director y mi a bise cu tur cos ta ok!
Chenco a waak mi straight den mi cara y e a bisa mi: “ Nos lo traha bon cu otro, pasobra aunque bo no ta compronde tur cos ainda, mi ta waak cu bo ta confia ariba locual a ser hasi caba”.
Desde e dia ey nos a traha hopi “ close “ cu otro y a logra hopi trabounan ser hasi.
Chenco y mi persona tawata ta jega promer na trabou y e ultimonan cu ta sali di trabou. Si un trahador jega laat semper nos ta tende cu ta ser bisa na nan cu Director y Administrador mes ta jega tempran.
For di Chenco mi a reconfirma cu bo ta un ehempel no cu palabra pero cu hecho.
Atardi despues di trabou banda di 5 or asina hopi biaha cu mi sali pafor di oficina ya mi ta haye para eynan y mi ta para hunto cune y nos ta scucha e zonido di e plantanan di corriente.
Chenco ta conta mi cu na zonido di e planta e ta tende si tin algo ta traha fayo.
Y asina nos ta cana subi nos auto y bai cas.
Chenco sosega na Paz y na henter e famia mi mas profundo Condolencia.
Ing. Gabi Werleman
Aruba