Home » Homber a sconde curpa di su mama defunto un aña largo, pa asina por a cobra su pensioen

Homber a sconde curpa di su mama defunto un aña largo, pa asina por a cobra su pensioen

by Admin
0 comment 55 views

Innsbruck-Land, Austria:
Polis di Austria a detene un homber cu a sconde curpa di su mama pa asina por a cobra su pensioen y un sorto di subsidio di salud. Polis a detene e homber cu a sconde e curpa sin bida di su mama pa asina por a cobra su placa.

E homber Austriaco di 66 aña di Innsbruck-Land su wega a sali na cla, na momento cu un postbode a trece un carta pa e mama cu e pensioen di e mama den dje, e postbode a bisa e yiu cu e mester entrega esaki den man di e mama. E yiu homber su actitud sospechoso, a pone cu e postbode a bati alarma y esaki a conduci na un investigacion cu a termina den descubrimento di locual e yiu tabata haciendo.

Durante un entrada hudicial den kelder di e cas nan a bin topa cu e curpa di su mama. E yiu hopi lihe a admiti, cu e la sconde e curpa di su mama, pa asina por a sigui cobra su pensioen y e subsidio di salud.  E muher tabata mas cu un aña morto caba.

E yiu di 66 aña a keda demanda pa fraude y perturba sosiego di un morto. E lo a cobra mas cu 50mil euro riba costiya di su mama morto den kelder di e cas.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio