Home » Parlamentario Endy Croes di bishita na Club RCA durante un actividad pa Rafa Vanegas

Parlamentario Endy Croes di bishita na Club RCA durante un actividad pa Rafa Vanegas

by Admin
0 comment 40 views

Parlamentario Endy Croes futuro Minister di Enseñansa y Deporte tabata di bishita na Club RCA pa un actividad dedica na Rafael “Rafa” Vanegas un astro hungador di RCA. Rafa Vanegas a yega Aruba na edad di 17 aña y a melita den hoofdklasse den e equipo tricolor RCA pa masha hopi aña. Un tremendo atleta cu multiple titulo. Na 1986 Rafa ta titula campeon cu RCA y ta bira topscorer di campeonato cu 19 goal. Na 1987 Rafa ta titula campeon atrobe anotando 17 goal den campeonato. Na 1988 Rafa Vanegas ta ripiti como topscorer di AVB cu 22 goal. Asina Rafa Vanegas tin masha hopi titulo den su trayectoria manera e mes a bisa RCA pa bida melitando 17 aña den hoofdklasse. Rafael Vanegas a hunga varios weganan internacional. Rafa na edad mas grandi a pasa coach diferente division di mini baby ta mas grandi y tin multiple titulonan como coach tambe. Un ehempel di un deportista cu a dedica su bida na deporte di futbol y a duna bek tur su tempo pa siña nos muchanan hunga bala. Rafael Vanegas e siman entrante lo sali pa Hulanda y lo bay biba na tera frieuw. Enconeccion cu esaki a organisa algun bunita actividad gradiciendo Rafael Vanegas pa tur su dedicasion y aporte na RCA. Parlamentario Endy Croes a pasa saluda diasabra ultimo y a gradisi Rafael Vanegas imenso y a desea Rafa tur exito den su retonan nobo aya na Hulanda. Danki Rafa pa dedica asina hopi na deporte na Aruba y hopi exito den bida.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio