Pa medio di e comunicado aki Sr.Marcos Bislip den nomber di famia BISLIP kier informa cu Diabierna Dia 27 di Augustus 2021 den oranan di 10:30 am di mainta Dokter di cas Dr.Milton de Cuba ta presenta na cas na Caya Jose Geerman 47 pa controla Sr.Marco Ismael Bislip ex-politico y tambe yui di Sr.Marco Bislip esta Sr.Marcos Bislip y a constata cu ambos persona nan condicion di salud no tabata bon nan oxigeno Spo ta hopi abou den Spo 80 pa Spo 84 no ta alcansa Spo 90.
Dokter di cas ta dicidi cu ambos persona esta Tata y yiu mester bai cu ambulance y responder cu
maximo urgencia pa Dr.Horacio Oduber Hospital.
Tabata 11’or di mainta cu ambulance a yega na cas di Sr.Marco Bislip na Caya Jose Geerman 47 y a
cuminsa prepara ambos persona Tata y yiu den ambulance hunto cu ayudo di e responder pa
transporta ambos persona pa Hospital.
Esaki a dura 30 min for di 11’or di mainta pa 11:30 di mainta y for di eynan e ambulance ta bandona e
cas Caya Jose Geerman 47 y ta bai bira na e T-Kruising panort di Johnsons Supermarket y ta bai abou y
pasa dilanti cas di Sr.Marco Bislip na unda tanto e tata y yiu ta mira con e ambulance ta alega for di
e cas di Sr.Marco Bislip tanto e tata y yiu a cuminsa menciona cu nos ta lagando cas y cu urgencia e
responder ta pasa e ambulance pa habri caminda bahando tur auto for di caminda y despues di a
pasa e brug nobo di Spaanslagoen e ambulance a cuminsa core hopi mas duro y Sr.Marco Bislip ta
pone su man na su cabes y e yiu homber ta ripara cu e situacion ta basta serio.
Na yegada ambos tata y yiu awordo poni ariba cama den seccion Cardio y
despues ambos tata y yiu awordo interna na piso B 3 ambos tata y yiu tin Covid-19 Delta Variant.
Tata y yiu Marco Bislip y Marcos Bislip awordo poni na ICU machine di oxigeno y aparato di
monitoreo.Tata Marco Bislip ex-politico y mandatario a lucha contra e covid-19 Delta Variant hunto
cu su yiu Marcos Bislip Locutor.Tabata Diabierna Dia 3 di September 2021 cu e salud di Sr.Marco
Bislip a impeora y a hanja santa olia asina mes Sr.Marco Bislip a lucha y Diabierna anochi a recupera
y Diasabra henter dia tabata mira su television hunto cu su casa y su yiu homber cu awordo poni
den e mesun camber for di Diabierna merdia asina e yiu tabata mas serca di su tata y hunto nan
a lucha contra di e maldita covid-19 Delta Variante.
Diadomingo marduga Dia 5 di September 2021 entre 5’or di marduga pa 5:30 di marduga e yiu muher
y e yiu homber mayor Marcos Bislip a haci tur cos pero Marco Bislip no ta duna signal mas di bida e la
fayece un momento hopi tragico pa su yiu homber cu tambe tabata lucha pa su salud y bida hunto cu
su ruman muher nan a dedica y haci tur loke nan tabata por pero e tat a Marco Bislip a bai laganan.
E yiu homber awordo cambia di camber y mester a sigi lucha pa su salud y su bida.
Sr.Marcos Bislip a lucha manera su tata tabata desea pa e sali di hospital.
Dialuna mes Dia 6 di September 2021 Marcos Bislip despues cu Diadomingo Dia 5 di September 2021
cu su tata a fayece den oranan di Diadomingo mainta trempan.Sr.Marcos Bislip a promete su tata
cu e ta bai recupera y sali di hospital despues di a pasa den un tragedia y un pesadiya tristo y a kibra
su bida e tiki felicidad cu e tabata tin cu ta su tata cu tabata tur cos pe hunto cu su mama y henter
famia.Diamars Dia 7 di September 2021 den oranan di merdia Dr.Jacobs ta informa Sr.Marcos Bislip
cu pa 1:00 di merdia Sr.Marcos Bislip por sali di hospital pa bai cas un momento hopi duro paso
Marcos ta bai cas sin su tata un dolor inmenso pero Marcos ta sali for di un tragedia un pesadiya
grandi.Pa 3:10 di atardi di Diamars Dia 7 di September 2021 Marcos ta bolbe cas bek pa recuperacion
un otro dolor grandi paso Marcos ta yega cas pero sin su tata.
E caso di covid-19 Delta Variante di Marcos Bislip y su tata Marco Bislip a termina den un caso hopi
tristo y tragico Marcos no a keda bon mentalmente paso e la experiencia hopi casonan dificil pero no
a perde e fe y speransa pa e por scapa su bida y salud.
Marcos a experiencia un caso hopi tristo di covid-19 Delta Variante hunto cu su tata cu nunca por a
spera cu e la bai asina tragico pa su tata cune.E situacion a bira mas serio cu Marcos por a spera.
Marcos ta logra scapa pa cu su salud y bida pero ta perde su tata
Aruba ta perde un gran persona un gran lider un gran politico y un persona cu semper a yuda tur
hende e tabata un gran tata y un tremendo ruman y yiu semper e la yuda su mama y su rumanan den
momentonan mas dificil.
Sr.Marco Bislip ta un yiu di tera cu a lucha hunto cu Betico Croes y semper a kere den un Aruba liber
Independiente Gemenebest cu Hulanda.
Aruba ta perde un parti di dje Marco Bislip a stima su patria su Aruba hopi y su yiu homber mayor
Sr.Marcos Bislip lo sigi cu e legado di su tata.
Famia y Sr.Marcos Bislip ta gradici henter comunidad pa nan jamadanan y mensagenan como tambe
diferente persona den nos comunidad pa nan bon comentario duna na un persona asina importante y
stima den nos comunidad Sr.Marco I.Bislip.
Atentamente,
Sr.Marcos E.Bislip