Home » Pa no wordo aresta: Hugo El Pollo Carvajal a haci cirugia plastico y tawata bisti peluca

Pa no wordo aresta: Hugo El Pollo Carvajal a haci cirugia plastico y tawata bisti peluca

by Admin
0 comment 66 views

Madrid Spaña

Ariba 17 di juni autoridad Mericano a informa polis na Spaña cu e ex hefe di inteligencia militar Venezolano Hugo El Pollo Carvajal ta scondi den un apartamento na Madrid. Informacion adicional cu autoridad Mericano a dunanan ta cu Carvajal lo a haci cirugia cosmetico/plastico y ta bistiendo peluca. Tur esaki pa no wordo reconoci.

Segun e corant El Mundo, DEA lo a manda un carta informando seguridad di e pais, unda Carvajal tawata scondi. Esaki lo tawata den e bario yama Arturo Soria. El Pollo tawata compaña cu e Venezolana Carolina Viloria Palacios.
” Ta conoci cu Carvajal tawata bisti peluca, snor, barba y disfras, pa asina e por move rond y no wordo reconoci. E cirugia/nan haci tawata pa cambia su apariencia fisico.

Carvajal manera ya ta conoci a wordo aresta diahuebs anochi na Spaña, despues cu na 2019 e la sa di evadi husticia di dicho pais.
Spaña e tempo eynan a bay di acuerdo cu Estados Unidos pa extradita El Pollo pa Merca.
Merca ta/a acusa e lider historico Chavista di a guia un organisacion criminalncu tawata encarga pa Cocaina drenta teritorio Mericano.
Awor e ta den man di husticia Mericano.

DEA( Drug Enforcement Administration) a avisa e departamento di Droga y Crimen Organisa di Spaña unda El Pollo ta scondi.
DEA tawata na altura cu Carvajal a yena su terraza cu masha hopi mata, un apartamento situa den un caya yama Torrelaguna. E matanan tawata pa “tapa” su cara ora e ta usa esaki.

Agentenan mester a kibra e porta momento cu nan a bay pa areste. Carvajal a zorg pa e porta tawata uno blinda y sigura den e vloer.
Ora cu autoridad a logra drenta e cas nan a haya e fugitivo Carvajal cu un cuchiu, esaki e lo a usa den su desesperacion pa evita wordo aresta.

El Pollo Carvajal a duna di conoce na autoridad cu e tawata fugitivo pa 2 aña na Spaña, cada tres luna e tawata cambia di adres. E tawata biba cera den cas y cu miedo di wordo reconoci, debi cu su imagen/potret a wordo buta tur caminda. Asina mes cu e la yena su terraza cu mata, solamente anochi laat e tawata use y disfrasa pa niun hende reconoce.

No ta desconoci cu Hugo El Pollo Carvajal tawata tin bon contacto cu algun mandatario den e Kabinete di Mike Eman. E la bira mas conoci ainda momento cu un foto a circula rond di un restaurant aki na Aruba, unda por mira un minister di e tempo eynan na e mesa sinta.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio