Papayastraat, Dakota: Diabierna for di prome cu 7’or di mainta, a tuma lugar un entrada hudicial na un cas den Papayastraat.
Un team di Landsrecherche y RST a drenta e cas y a haci manera nan ta yame doorzoeking, aki nan a confisca material y a hincanan den un container basta grandi y pisa, cu dos agente mester a carga, hinca den auto.
No a detene niun persona pero SI nan a para den e cura y a papia/interoga cu un miembro di prensa cu ta biba na e cas aki.
E doorzoeking aki ta relaciona cu e Caso Diamante, den cual e politico Lider di partido POR, Allan Howell ta e sospechoso principal. Allan Howell ta wordo investiga pa iregularidad cu fondonan, tempo cu e tabata parlamentario pa partido POR. E comienso di e investigacion aki tabata e motibo cu Prome Minister di Aruba Señora Evelyn Wever Croes, di e gobierno di MEP RED y POR mesora a baha Gobierno. Pasobra Integridad ta sumamente importante pa Señora Wever Croes
Allan Howell actualmente lo mester tabata bek Cuerpo Policial di Aruba, pero a wordo geschors pendiente e investigacion aki.
