Home » Caso Diamante: Personanan na Papayastraat y Venezuelastraat, no ta sospechoso, nan ta testigonan

Caso Diamante: Personanan na Papayastraat y Venezuelastraat, no ta sospechoso, nan ta testigonan

by Admin
0 comment 68 views

Papayastraat/ Venezuelastraat: Diabierna mainta for di prome cu 7’or, un team di Landsrecherche y RST a drenta na dos adres, un cas den Papayastraat y tambe un cas den Venezuelastraat.

Na ambos adres nan a busca material cu lo ta di interes pa cu e caso nobo yama Diamante, ambos ta adres di companianan cu a duna servicio na Sr. Howell y cu e lo a paganan pa esakinan.

Den Venezuelastraat tabata referente e compania Fonso Advisory, cu lo a duna servicio na Sr. Howell. Den Papayastraat tabata referente un compania di producion & Media cu tambe a haci trabounan pa Sr. Howell y esaki a wordo paga door di Sr. Howell. Autoridad a bay cu documentonan entre otro laptop y pa haci mas investigacion.

Ministerio Publico enfaticamente a bisa cu e personanan na e dos adresnan aki, NO ta sospechoso, pero nan ta testigonan den e caso Diamante.

Caso Diamante tin dos persona sospechoso, e sospechoso principal ta ex parlamentario Sr. Howell y e di dos sospechoso ta Sra. Van Putten y tambe e Stichting Hunto Nos Por.

E caso ta bou investigacion y no ta descarta cu lo por bin mas doorzoeking na otro adres, te na e momentonan aki e plan ta pa doorzoeking so.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio