Home » VACUNATHON #4: Pa bo mes, bo famia y bo pais. No duda mas!

VACUNATHON #4: Pa bo mes, bo famia y bo pais. No duda mas!

by Admin
0 comment 98 views

E weekend aki, diasabra dia 11 y diadomingo dia 12 di september, atrobe Ritz-Carlton ta habri su portanan pa yuda organisa un otro VacunaTHON.

Riba e dos dianan aki, diasabra 11 y diadomingo 12 di september, DVG lo ta dunando e di 2 dosis na tur esnan cu 3 siman pasa durante e VacunaTHON anterior a ricibi nan prome dosis; y tambe DVG lo ta ofreciendo e prome dosis na tur persona cu ainda no a vacuna.

Durante e VacunaTHON lo tin e posibilidad pa scoge entre e vacuna di Johnson & Johnson of Pfizer.
E vacuna di Johnson & Johnson por wordo aplica unicamente na ciudadano di 18 aña of mas, no ta recomenda pa duna hoben bou 18 aña Johnson & Johnson.
Pa e motibo aki, hobennan ta ricibi Pfizer.

Hende muher na estado of cu ta dunando lech’i pecho tambe ta wordo recomenda pa vacuna pa evita complicacion y pa brinda proteccion na e baby cu no a nace ainda of cu ta bebe lech’i pecho.

Participa den nos VacunaTHON, corda cu vacuna no ta solamente un acto di solidaridad y responsabilidad conhunto caminda niun hende por keda atras; pero mas tanto, vacuna ta un acto di amor pa bo mes, bo famia y bo pais!

Por fabor, no duda mas: VACUNA!

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio