Home » Supuesto caso di violacion y agresion ariba Eagle Beach a termina den detencion di un dama turista

Supuesto caso di violacion y agresion ariba Eagle Beach a termina den detencion di un dama turista

by Admin
0 comment 57 views

Eagle Beach – Diadomingo den oranan di atardi den careda di 3:30 polis pasando cerca di Eagle Beach a tuma nota di un situacion raro, y a baha pa controla.

Un grupo di turista lo a bay over na conta polis cu un trahado di un watersport situa ariba beach lo a trata na viola su persona. Ey ta unda cu “nan” a bringa cu homber y e trahado a na su turno a dal un di  nan un mokete den wowo.

Despues di e incidente aki e empleado di e watersport a core bay, pues e no tawata na e sitio. Un nomber a wordo menciona pues doñonan di e watersport lo ta esnan indica pa duna polis esaki.

Na Eagle tawata tin varios polis y ey nan tawata trata na saca afo kiko a pasa.

Locual a hala nos atencion ta cu eynan pues ariba un beach druk unda cu no tin luga priva, con un intento di violacion por a tuma luga.

Di dos teoria ta cu si algo no na su luga a sosode, kizas esaki lo por tawata ariba un Sea Doo pafo ariba lama.

E pelea si a pasa dilanti tur hende, pero e acto cu di mishi etc etc hendenan rond kiermen no ta berdad.

Entre e grupo un di e damanan cu tawata keda haci problema a wordo aresta pa motibo di insulto segun nos a compronde, si esaki ta corecto no por a wordo confirma.

Por a ripara si cu e tawata keda haci problema na e sitio usando palabranan sushi tanto na Ingles y Spaño.

E dama turista cu a wordo gedal a nenga asistencia di Paramediconan cu a yega na e sitio, ni maske cuanto a papia cu ne. Na final e Paramediconan no por forsa niun hende algo y a bandona e sitio.

Polisnan a tuma tur dato y despues cu a transporta e dama turista cu tawata sumamente fastioso pa warda di Strandpolitie, e situacion a calma y tur esnan envolvi a move..

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio