Home Police Dama chauffeur deteni, despues di a subi acera, a kibra un borchi...

Dama chauffeur deteni, despues di a subi acera, a kibra un borchi di trafico y a causa daño na un otro auto staciona

SHARE

Vondellaan: Diadomingo algun minuut despues di 12’or y mey, mientras cu polis tabata atendiendo cu e accidente riba Rotonde Las Americas, nan ta scucha un zonido basta fuerte un poco mas panort. Mesora a ripara cu dilanti Cas di Cultura tin un otro boksmento.

Polis mesora a bay atende cu e boksmento aki, na yegada nan a bin topa cu un Nissan March, cu a dal contra un borchi di trafico y esaki a haci daño tambe na un auto staciona dilanti Cas di Cultura.

Polis a ripara mesora cu e dama den e auto tabata basta bou influencia y tabata hari, e lo a haya masha pret cu e la boks.

Polis na e sitio a pidi pa un transportwagen di polis pa transporta e dama pa Warda di polis di Oranjestad.

Un takelwagen mester a bay na e sitio pa hala e Nissan March.